మరో రెండు రోజుల్లో ఐపీఎల్‌ 18వ సీజన్ ప్రారంభం కానుంది. ఈ నెల 22న ఈడెన్ గార్డెన్స్‌లో కోల్‌కతా నైట్ రైడర్స్, రాయల్ ఛాలెంజర్స్ బెంగళూరు మధ్య తొలి మ్యాచ్ జరగనుంది. 2008లో ఆరంభమైన ఐపీఎల్‌లో ఇప్పటివరకు వేలాది మంది క్రికెటర్లు ఆడారు. అయితే, ఆరంభ సీజన్ నుంచి ఇప్పటికీ ఆడుతున్న కొందరు మాత్రమే ఈ సీజన్‌లోనూ కొనసాగనున్నారు.
ఈ జాబితాలో మహేంద్ర సింగ్ ధోనీ (చెన్నై సూపర్ కింగ్స్), రవీంద్ర జడేజా (రాజస్థాన్ తరఫున అరంగేట్రం, ప్రస్తుతం సీఎస్‌కే), రవిచంద్రన్ అశ్విన్ (చెన్నై సూపర్ కింగ్స్), ఇషాంత్ శర్మ (కోల్‌కతా తరఫున అరంగేట్రం, ఇప్పుడు గుజరాత్), అజింక్య రహానె (ముంబయి ఇండియన్స్‌తో అరంగేట్రం, ప్రస్తుతం కేకేఆర్‌), మనీశ్ పాండే (ముంబయి తరఫున అరంగేట్రం, ప్రస్తుతం కేకేఆర్‌), రోహిత్ శర్మ (డెక్కన్ ఛార్జర్స్‌తో ప్రారంభం, ప్రస్తుతం ముంబయి ఇండియన్స్‌), విరాట్ కోహ్లీ (ఆరంభం నుంచి రాయల్ ఛాలెంజర్స్ బెంగళూరు) ఉన్నారు.
ఈ క్రికెటర్లు 2008లో ఐపీఎల్‌లో తొలి అడుగులు వేశారు. ఆ తర్వాత అనేక మార్పులు వచ్చినా, తమ ఆటతీరు, ప్రదర్శనతో ఇప్పటికీ లీగ్‌లో కొనసాగుతున్నారు. కొందరు జట్లను మార్చినా, మరికొందరు అదే ఫ్రాంచైజీకి నమ్మకంగా సేవలందిస్తున్నారు.
ఈ సీజన్ ద్వారా వారు మరోసారి తమ ప్రతిభను నిరూపించుకుంటారేమో చూడాలి. 18 ఏళ్ల క్రితం మొదలైన వారి ఐపీఎల్‌ ప్రయాణం ఇప్పటికీ కొనసాగుతుండడం నిజంగా ప్రత్యేకంగా చెప్పుకోవాల్సిన విషయం. అభిమానులు వీరి ప్రదర్శనను ఆసక్తిగా ఎదురు చూస్తున్నారు.
