Nissan Tecton SUV: UV మార్కెట్లో తన వాటాను పెంచుకోవాలని భావిస్తున్న నిస్సాన్, ‘టెక్టన్’ పేరుతో కొత్త మోడల్ను వినియోగదారుల ముందుకు తీసుకురావడానికి సిద్ధమవుతోంది. ఇటీవల టెస్టింగ్ సమయంలో మరోసారి ఈ వాహనం కనిపించడంతో, లాంచ్కు ముందు తుది పరీక్షలు కొనసాగుతున్నట్లు తెలుస్తోంది. ఆకర్షణీయమైన డిజైన్, ఆధునిక సాంకేతికత, పెట్రోల్తో పాటు హైబ్రిడ్ పవర్ట్రెయిన్ ఎంపికలతో ఈ SUV వినియోగదారులను ఆకట్టుకునే అవకాశముంది.
కంపెనీ ఈ మోడల్ను జూలై 9న అధికారికంగా ఆవిష్కరించనుంది. కొత్త తరం రెనాల్ట్ డస్టర్కు ఆధారమైన CMF-B ప్లాట్ఫామ్పై టెక్టన్ రూపొందించబడినప్పటికీ, బాహ్య రూపకల్పనలో నిస్సాన్ ప్రత్యేక శైలిని ప్రతిబింబించేలా మార్పులు చేసింది. భారీ గ్రిల్, LED డేలైట్ రన్నింగ్ లైట్లు, ఆధునిక హెడ్ల్యాంప్స్, బలమైన బాడీ డిజైన్ ఈ SUVకి ప్రత్యేక ఆకర్షణగా నిలవనున్నాయి.
ఫీచర్ల పరంగా 10.1 అంగుళాల టచ్స్క్రీన్, 10.25 అంగుళాల డిజిటల్ క్లస్టర్, వైర్లెస్ కనెక్టివిటీ, పనోరమిక్ సన్రూఫ్, వెంటిలేటెడ్ సీట్లు, పవర్డ్ టెయిల్గేట్ వంటి ప్రీమియం సౌకర్యాలు అందుబాటులో ఉండొచ్చని సమాచారం. భద్రత కోసం లెవెల్-2 ADAS, 360 డిగ్రీ కెమెరా, మల్టిపుల్ ఎయిర్బ్యాగ్స్, ఎలక్ట్రానిక్ స్టెబిలిటీ కంట్రోల్ వంటి ఫీచర్లు కూడా ఉండే అవకాశం ఉంది.
ఇంజిన్ విభాగంలో టర్బో పెట్రోల్ యూనిట్లతో పాటు హైబ్రిడ్ వెర్షన్ను కూడా తీసుకురావాలని నిస్సాన్ యోచిస్తోంది. విడుదల అనంతరం టెక్టన్, హ్యుందాయ్ క్రెటా, కియా సెల్టోస్, గ్రాండ్ విటారా, హైరైడర్, హోండా ఎలివేట్ వంటి ప్రముఖ SUVలకు ప్రత్యక్ష పోటీ ఇవ్వనుంది.
- Advertisement -
- Advertisment -
Must Read
Nara Lokesh | పవన్ కళ్యాణ్ను పరామర్శించిన నారా లోకేష్.. త్వరగా కోలుకోవాలని ఆకాంక్ష
Nara Lokesh: ఉప ముఖ్యమంత్రి పవన్ కళ్యాణ్ను మంత్రి నారా లోకేష్ మర్యాదపూర్వకంగా కలిసి ఆయన ఆరోగ్య పరిస్థితిని తెలుసుకున్నారు. ఇటీవల ముంబైలో కుడి భుజానికి శస్త్రచికిత్స చేయించుకున్న పవన్ కళ్యాణ్ ప్రస్తుతం హైదరాబాద్లోని...
- Advertisement -
