Gold and Silver Prices: బంగారం ధరలు ఈ వారం వరుసగా పెరుగుతూ వినియోగదారులకు షాక్ ఇస్తున్నాయి. సోమవారం నుంచి దేశవ్యాప్తంగా పసిడి రేట్లు గణనీయంగా పెరుగుతున్నాయి. పెళ్లిళ్ల సీజన్ ప్రారంభమైన నేపథ్యంలో బంగారం కొనుగోళ్లు పెరిగినప్పటికీ, ధరలు పెరగడం కొనుగోలుదారులకు భారంగా మారింది.
గురువారం హైదరాబాద్లో 10 గ్రాముల 24 క్యారెట్ల బంగారం ధర రూ.1,55,570గా నమోదైంది. బుధవారం ఇది రూ.1,55,350గా ఉండగా ఒక్క రోజులో రూ.220 పెరుగుదల కనిపించింది. అదే విధంగా 22 క్యారెట్ల బంగారం ధర రూ.1,42,600గా నమోదైంది, ఇది బుధవారం రూ.1,42,400గా ఉండగా రూ.200 పెరిగింది.
దేశంలోని ఇతర ప్రధాన నగరాల్లో కూడా ఇదే ట్రెండ్ కొనసాగుతోంది. చెన్నైలో 24 క్యారెట్ల బంగారం ధర రూ.1,56,230గా ఉండగా, 22 క్యారెట్ల ధర రూ.1,43,210గా నమోదైంది.
బెంగళూరులో 24 క్యారెట్ల ధర రూ.1,55,570గా ఉండగా, 22 క్యారెట్ల ధర రూ.1,42,600గా ఉంది. ఢిల్లీలో 24 క్యారెట్ల బంగారం ధర రూ.1,55,720కి చేరగా, 22 క్యారెట్ల ధర రూ.1,42,750గా నమోదైంది.
వెండి ధరలు కూడా పెరుగుదల దిశలో కొనసాగుతున్నాయి. ఢిల్లీలో కిలో వెండి ధర రూ.2,70,100గా ఉండగా, హైదరాబాద్లో కిలో వెండి రూ.2,75,100గా కొనసాగుతోంది. చెన్నైలో కూడా ఇదే స్థాయిలో వెండి ధరలు స్థిరంగా ఉన్నాయి.
ప్రపంచ మార్కెట్ల ప్రభావం, డిమాండ్ పెరుగుదల కారణంగా రాబోయే రోజుల్లో బంగారం ధరలు మరింత పెరిగే అవకాశం ఉందని మార్కెట్ నిపుణులు అంచనా వేస్తున్నారు.
