LPG Shortage: పశ్చిమ ఆసియాలో కొనసాగుతున్న యుద్ధ ప్రభావం కారణంగా దేశంలో వాణిజ్య గ్యాస్ సిలిండర్ల సరఫరా గణనీయంగా తగ్గింది. కేంద్ర ప్రభుత్వం ఈ పరిస్థితిని ఎదుర్కొనే విధంగా కీలక నిర్ణయం తీసుకుని, కమర్షియల్ ఎల్పీజీ సరఫరాను 70 శాతానికి పెంచింది.
కేంద్ర పెట్రోలియం శాఖ కార్యదర్శి నీరజ్ మిట్టల్ ఈ క్రమంలో అన్ని రాష్ట్రాల ప్రధాన కార్యదర్శులకు అధికారిక లేఖ పంపారు.
కేంద్రం ఉద్రిక్త పరిస్థితుల కారణంగా వాణిజ్య గ్యాస్ సరఫరా కోటాను తగ్గించిన సంగతి తెలిసిందే. అయితే, పరిస్థితులు మెరుగుపడటంతో, సరఫరాను క్రమంగా పెంచుతూ 50 శాతంగా ఉన్న కోటాను 20 శాతంతో 70 శాతానికి చేర్చింది.
ఈ కొత్త కేటాయింపులో ఉక్కు, ఆటోమొబైల్స్, వస్త్రాలు, రంగులు, రసాయనాలు, ప్లాస్టిక్ వంటి కీలక పరిశ్రమలకు ప్రాధాన్యత ఇవ్వాలని కేంద్రం సూచించింది.
అదనంగా, ప్రీ క్రైసిస్ (pre-crisis) కోటా కింద రాష్ట్రాలకు 40 శాతంగా కేటాయింపులు ఉంటే, కేంద్రం మరో 10 శాతంతో వాటిని పెంచింది. ఈ నిర్ణయం పరిశ్రమల కార్యకలాపాలకు అవసరమైన ఎల్పీజీ సరఫరాను నిర్ధారించి, దేశీయ ఉత్పత్తి మరియు వ్యాపార కార్యకలాపాల్లో ప్రతికూల ప్రభావాన్ని తగ్గించేందుకు తీసుకున్నట్లు తెలుస్తోంది.
కేంద్రం తెలిపిన లేఖలో, ఉద్దేశ్యం ఎల్పీజీ సరఫరాను క్రమంగా స్థిరంగా పెంచుతూ, ప్రధాన పరిశ్రమల కోసం అవసరమైన స్థాయిలో ప్రాధాన్యత ఇవ్వడమే అని స్పష్టం చేశారు.
Must Read
Minister Sridhar Babu | మంత్రి శ్రీధర్ బాబు దంపతులపై డీప్ఫేక్ వీడియో కలకలం.....
తెలంగాణలో డీప్ఫేక్ టెక్నాలజీ దుర్వినియోగానికి సంబంధించిన మరో ఘటన వెలుగులోకి వచ్చింది. రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు(Minister Sridhar Babu), ఆయన సతీమణి, సీనియర్ ఐఏఎస్ అధికారిణి...
