Canva AI 2.0 | ఒక మాట చెప్తే చాలు.. కాన్వా ఏఐ డిజైన్..ఎలానో తెలుసా ?

ప్రపంచవ్యాప్తంగా డిజైన్ రంగంలో ప్రముఖ ప్లాట్‌ఫారమ్ అయిన కాన్వా తన సేవలను మరింత ఆధునికంగా మార్చుతూ Canva AI 2.0ను విడుదల చేసింది. ఈ కొత్త అప్‌డేట్‌తో యూజర్లు కేవలం ఒక ప్రాంప్ట్ ఇచ్చినా సరిపోతుంది అవసరమైన డిజైన్‌ను ఏఐ స్వయంగా రూపొందించే సదుపాయం అందుబాటులోకి వచ్చింది. దీంతో కంటెంట్ క్రియేషన్ ప్రక్రియ మరింత వేగవంతం కానుంది.

ప్రాంప్ట్‌తో డిజైన్ ఎలా?

కాన్వా AI 2.0లో ప్రధాన ఆకర్షణ ప్రాంప్ట్ ఆధారిత ఎడిటింగ్. యూజర్ “సమ్మర్ క్యాంపెయిన్ పోస్టర్ తయారు చేయి” వంటి సూచన ఇస్తే, ప్లాట్‌ఫారమ్ స్వయంగా పూర్తి డిజైన్‌ను సిద్ధం చేస్తుంది. ఇది మార్కెటర్లు, కంటెంట్ క్రియేటర్లకు భారీ సౌలభ్యాన్ని అందిస్తోంది.

కొత్త ఆర్కెస్ట్రేషన్ లేయర్

ఈ వెర్షన్‌లో కాన్వా(Canva) ప్రత్యేకమైన AI ఆర్కెస్ట్రేషన్ లేయర్ (orchestration layer) ను పరిచయం చేసింది. దీని ద్వారా అన్ని టూల్స్‌ను ఒకే చాట్‌బాట్ ఇంటర్‌ఫేస్‌లో ఉపయోగించవచ్చు. ఒకే కమాండ్‌తో మల్టీ-చానల్ క్యాంపెయిన్ ప్లాన్ కూడా రూపొందించుకోవచ్చు.

చాట్‌బాట్ తరహా ఇంటర్‌ఫేస్

కాన్వా AI 2.0ను చాట్‌బాట్‌లా రూపొందించారు. ఐడియా నుంచి ఫైనల్ డిజైన్ వరకు మొత్తం ప్రక్రియ ఒకే ప్లాట్‌ఫారమ్‌లో పూర్తవుతుంది. చిన్న చిన్న పనులను ఆటోమేట్ చేయడం ద్వారా సమయాన్ని ఆదా చేస్తుంది.

పర్సిస్టెంట్ మెమరీ, స్మార్ట్ ఎడిటింగ్

ఈ అప్‌డేట్‌లో పర్సిస్టెంట్ మెమరీ ఫీచర్ ద్వారా యూజర్ స్టైల్‌ను గుర్తుంచుకుని అదే తరహా డిజైన్స్‌ను సృష్టిస్తుంది. అలాగే ఆబ్జెక్ట్ బేస్డ్ ఇంటెలిజెన్స్(object-based intelligence) తో టెక్స్ట్, ఇమేజ్, ఫాంట్ వంటి భాగాలను మాత్రమే మార్చే అవకాశం ఉంటుంది.

కొత్త టూల్స్, ఇంటిగ్రేషన్స్

కాన్వా AI 2.0లో HTML ఇంపోర్ట్ వంటి కొత్త ఫీచర్లు చేరాయి. అదనంగా Slack, Gmail, Google Drive, Calendar వంటి సేవలతో ఇంటిగ్రేషన్ అందించడం ద్వారా యూజర్ అనుభవాన్ని మెరుగుపరిచింది.

ఎవరికి అందుబాటులో?

ఈ ఫీచర్‌ను ప్రారంభంగా ‘రిసెర్చ్ ప్రివ్యూ’ (Research preview)గా విడుదల చేస్తున్నారు. కాన్వా హోమ్‌పేజీని సందర్శించే తొలి మిలియన్ యూజర్లకు ఇది అందుబాటులో ఉంటుంది. మొత్తంగా కాన్వా AI 2.0తో డిజైన్ ప్రపంచంలో పెద్ద మార్పు రానుందని నిపుణులు అభిప్రాయపడుతున్నారు.