Tamil Nadu politics: తమిళనాడు రాజకీయాల్లో ఎన్నికల అనంతరం కీలక పరిణామాలు చోటుచేసుకుంటున్నాయి. అన్నాడీఎంకే (AIADMK) ఎన్డీఏ కూటమికి దూరమవుతూ డీఎంకేతో కలిసి వెళ్లే అవకాశాలపై జాతీయ రాజకీయాల్లో చర్చ మొదలైంది. ఎడప్పాడి పళనిస్వామి (EPS) తీసుకుంటున్న నిర్ణయాలు ఇప్పుడు ఢిల్లీ రాజకీయ వర్గాల్లో హాట్ టాపిక్గా మారాయి.
విజయ్కు చెందిన టీవీకే పార్టీ వేగంగా బలపడుతున్న నేపథ్యంలో, ఆ ప్రభావాన్ని తగ్గించేందుకు డీఎంకేతో వ్యూహాత్మకంగా దగ్గరవ్వాలని పళనిస్వామి ఆలోచిస్తున్నట్లు సమాచారం. ఈ పరిణామంపై కేంద్ర హోంమంత్రి అమిత్ షా అసంతృప్తిగా ఉన్నారని రాజకీయ వర్గాల్లో చర్చ సాగుతోంది.
ఎన్నికల ముందు అన్నాడీఎంకేతో బీజేపీ కూటమి కట్టగా, ఇప్పుడు అదే పార్టీ ఎన్డీఏ నుంచి బయటకు రావాలని భావించడం బీజేపీకి షాక్గా మారిందని తెలుస్తోంది.
తమిళనాడులో బీజేపీని బలోపేతం చేయాలన్న వ్యూహాన్ని పక్కన పెట్టి అన్నాడీఎంకేతో పొత్తు పెట్టుకున్నామని, ఇప్పుడు ఆ నిర్ణయం పార్టీకి నష్టంగా మారిందని బీజేపీ అంతర్గతంగా విశ్లేషిస్తున్నట్లు సమాచారం.
మరోవైపు, ప్రభుత్వం ఏర్పాటు చేయడానికి అవసరమైన మద్దతు తమకు లభిస్తుందని పళనిస్వామి నమ్మకంగా ఉన్నారని తెలుస్తోంది. డీఎంకేకు చెందిన కొంతమంది ఎమ్మెల్యేల మద్దతు కూడా దక్కే అవకాశముందని ప్రచారం జరుగుతోంది.
ఈ రాజకీయ పరిణామాలు తమిళనాడు రాజకీయాలను మరింత ఉత్కంఠభరితంగా మార్చాయి. పళనిస్వామి వ్యూహం ఫలిస్తుందా? లేక ఎన్డీఏ నుంచి ఒత్తిడి పెరుగుతుందా? అన్నది ఇప్పుడు ఆసక్తికరంగా మారింది.
