Udhayanidhi Stalin: తమిళనాడు మాజీ ఉప ముఖ్యమంత్రి, డీఎంకే నేత ఉదయనిధి స్టాలిన్ వివాదాస్పద వ్యాఖ్యల కేసులో పోలీసులు అరెస్ట్ చేశారు. అసెంబ్లీలో జరిగిన చర్చ సందర్భంగా నటుడు, ముఖ్యమంత్రి విజయ్ను విమర్శిస్తూ మాట్లాడిన ఆయన, నటి త్రిష పేరును ప్రస్తావిస్తూ చేసిన వ్యాఖ్యలు తీవ్ర వివాదానికి దారితీశాయి. ఫిర్యాదు అందుకున్న పోలీసులు వెంటనే స్పందించి ఆయనను అదుపులోకి తీసుకుని స్టేషన్కు తీసుకెళ్లి విచారణ చేపట్టారు. అరెస్ట్ అనంతరం స్పందించిన ఉదయనిధి, ఈ కేసును న్యాయపరంగా ఎదుర్కొంటానని, తాను ఎలాంటి తప్పు చేయలేదని పేర్కొన్నారు. మరోవైపు ముందస్తు బెయిల్ కోసం మద్రాస్ హైకోర్టును కూడా ఆశ్రయించారు.
ఈ వ్యవహారంపై అధికార టీవీకేతో పాటు బీజేపీ తీవ్రంగా స్పందించాయి. మహిళల పట్ల అనుచిత వ్యాఖ్యలు చేశారని ఆరోపిస్తూ ఉదయనిధి బహిరంగ క్షమాపణ చెప్పాలని డిమాండ్ చేశాయి. అయితే డీఎంకే మాత్రం ఈ వివాదం రాజకీయ ఉద్దేశాలతో సృష్టించబడిందని, కావేరీ జలాల సమస్య వంటి అసలు అంశాల నుంచి ప్రజల దృష్టి మళ్లించేందుకే ప్రతిపక్షాలు ఈ అంశాన్ని పెద్దది చేస్తున్నాయని ఆరోపించింది. ఈ ఘటనతో తమిళనాడు రాజకీయాల్లో మరోసారి తీవ్ర చర్చ ప్రారంభమైంది. కోర్టు విచారణ, పోలీసుల తదుపరి చర్యలపై ఇప్పుడు అందరి దృష్టి నెలకొంది.
