Telangana Police Recruitment: ప్రభుత్వ ఉద్యోగాల కోసం సిద్ధమవుతున్న తెలంగాణ యువతకు ప్రభుత్వం మరో కీలక ముందడుగు వేసింది. పోలీసు శాఖలో చాలా కాలంగా ఖాళీగా ఉన్న పోస్టులను భర్తీ చేసేందుకు ప్రభుత్వం అధికారికంగా ముందడుగు వేసింది. మొత్తం 5 వేల ఉద్యోగాల భర్తీకి ఆర్థిక శాఖ నుంచి పరిపాలనా అనుమతులు లభించడంతో నియామక ప్రక్రియకు గ్రీన్ సిగ్నల్ లభించింది. అధికారిక నోటిఫికేషన్ను త్వరలోనే విడుదల చేసే అవకాశాలు ఉన్నట్లు ప్రభుత్వ వర్గాలు వెల్లడిస్తున్నాయి. నోటిఫికేషన్లో పోస్టుల సంఖ్య, విద్యార్హతలు, వయోపరిమితి, రిజర్వేషన్ విధానం, ఎంపిక ప్రక్రియ, శారీరక పరీక్షలు, రాత పరీక్ష, దరఖాస్తు తేదీలు వంటి పూర్తి వివరాలను ప్రకటించనున్నారు.
ఈ రిక్రూట్మెంట్లో మొత్తం 10 విభాగాలకు చెందిన పోస్టులను భర్తీ చేయనున్నారు. వీటిలో అత్యధికంగా సివిల్ కానిస్టేబుల్ పోస్టులే ఉండనున్నాయి. అలాగే ఆర్మ్డ్ రిజర్వ్ కానిస్టేబుళ్లు, సబ్ఇన్స్పెక్టర్లు, రిజర్వ్ ఎస్ఐలు, అసిస్టెంట్ సబ్ఇన్స్పెక్టర్లు, డ్రైవర్ కానిస్టేబుళ్లు, మెకానిక్ పోస్టులు కూడా ఉన్నాయి. ప్రస్తుతం అందుబాటులో ఉన్న సమాచారం ప్రకారం సివిల్ ఎస్ఐ పోస్టులు 148, ఆర్మ్డ్ రిజర్వ్ ఎస్ఐలు 14, టీజీఎస్పీ రిజర్వ్ ఎస్ఐలు 12, ఏఆర్ సీపీఎల్ ఎస్ఐలు 3, అసిస్టెంట్ సబ్ఇన్స్పెక్టర్లు 23, సివిల్ కానిస్టేబుళ్లు 3,697, ఆర్మ్డ్ రిజర్వ్ కానిస్టేబుళ్లు 1,052, ఎస్ఏఆర్ సీపీఎల్ కానిస్టేబుళ్లు 24, డ్రైవర్ పీటీవో పోస్టులు 20, మెకానిక్ పీటీవో పోస్టులు 7 ఉన్నాయి.
ఈ నియామకాల ద్వారా పోలీసు శాఖలో సిబ్బంది కొరతను తగ్గించడంతో పాటు, వేలాది మంది యువతకు ప్రభుత్వ ఉద్యోగ అవకాశాలు కల్పించడమే ప్రభుత్వ ప్రధాన లక్ష్యంగా అధికారులు పేర్కొంటున్నారు. నోటిఫికేషన్ విడుదలైన వెంటనే అభ్యర్థులు దరఖాస్తు ప్రక్రియపై దృష్టి పెట్టాలని సూచిస్తున్నారు.
Telangana Police Recruitment | తెలంగాణ నిరుద్యోగులకు గుడ్న్యూస్.. 5,000 పోలీసు ఉద్యోగాలకు గ్రీన్ సిగ్నల్
-
- Advertisement -
- Advertisment -
Must Read
Union Home Ministry | ఉగ్రవాదానికి చెక్.. 23 మందిని ఉగ్రవాదుల జాబితాలో చేర్చిన...
Union Home Ministry: దేశ భద్రతను మరింత పటిష్టం చేసే దిశగా కేంద్ర ప్రభుత్వం మరో కీలక నిర్ణయం తీసుకుంది. దేశ వ్యతిరేక కార్యకలాపాలు, ఉగ్రవాద నెట్వర్క్లకు మద్దతు ఇస్తున్నారనే ఆరోపణల నేపథ్యంలో...
- Advertisement -
