7 Seater Top 5 Cars | భారత మార్కెట్లో తక్కువ ధరలో బెస్ట్ 7-సీటర్ కార్లు ఇవే.. ఏది కొనాలి?

7 Seater Top 5 Cars: దేశీయ ఆటోమొబైల్ మార్కెట్లో 7-సీటర్ కార్లకు గణనీయమైన డిమాండ్ కనిపిస్తోంది.పెద్ద కుటుంబాలు, ఎక్కువ మంది కలిసి ప్రయాణించే అవసరాలు పెరుగుతున్న నేపథ్యంలో, తక్కువ బడ్జెట్‌లోనే ఎక్కువ సీటింగ్ సామర్థ్యం కలిగిన వాహనాలపై వినియోగదారుల ఆసక్తి గణనీయంగా పెరుగుతోంది. ఈ కారణంగా ఈ సెగ్మెంట్ కార్లు మార్కెట్లో మంచి ఆదరణ పొందుతున్నాయి. తక్కువ ధర, మంచి మైలేజ్, ఆధునిక ఫీచర్లు కలిగిన అనేక మోడళ్లు ప్రస్తుతం మార్కెట్లో అందుబాటులో ఉన్నాయి.

ఈ విభాగంలో మొదటగా నిస్సాన్ గ్రావిటీ(ధర రూ.5.65 లక్షలు-EX) మంచి బడ్జెట్ ఎంపికగా గుర్తింపు పొందింది. తక్కువ ధరలోనే ఆధునిక టెక్నాలజీ ఫీచర్లు అందించడం దీని ప్రత్యేకత. టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ ఇన్‌స్ట్రుమెంట్ క్లస్టర్, రియర్ ఏసీ వెంట్స్, భద్రత కోసం ఎయిర్‌బ్యాగ్స్ వంటి సదుపాయాలు ఇందులో ఉన్నాయి. రెనాల్ట్ ట్రైబర్(Renault Triber)(ధర రూ.5.76 లక్షలు-EX) కూడా 7-సీటర్ సెగ్మెంట్‌లో అత్యంత ప్రజాదరణ పొందిన కార్లలో ఒకటి. చిన్న బడ్జెట్‌లో ఫ్యామిలీ అవసరాలకు సరిపోయే విధంగా డిజైన్ చేయబడింది. ఫ్లెక్సిబుల్ సీటింగ్ అరేంజ్‌మెంట్, మంచి మైలేజ్, అవసరమైన అన్ని బేసిక్ ఫీచర్లు ఇందులో లభిస్తాయి.

మహీంద్రా బొలెరో(ధర రూ.7.99 లక్షల) గ్రామీణ ప్రాంతాల్లో అత్యంత నమ్మకమైన వాహనంగా పేరు తెచ్చుకుంది. కఠిన రోడ్లు, భారీ లోడ్లు మోయగల సామర్థ్యం దీనికి ప్రత్యేకత. దీని ఇంజిన్ పనితీరు మరియు మన్నిక దీన్ని ప్రత్యేకంగా నిలబెడతాయి. బొలెరో నియో(ధర రూ.8.49 లక్షల-EX) మరింత ఆధునిక రూపంలో వచ్చిన వేరియంట్. శక్తివంతమైన ఇంజిన్‌తో పాటు కాస్త సౌకర్యవంతమైన ఇంటీరియర్‌ను అందిస్తుంది. గ్రామీణ మరియు సెమీ అర్బన్ వినియోగదారులకు ఇది మంచి ఎంపికగా నిలుస్తోంది.

మారుతి సుజుకి(ధర రూ.8.80 లక్షలు-EX) ఎర్టిగా మాత్రం ఫ్యామిలీ కార్లలో అత్యంత విజయవంతమైన మోడల్‌గా నిలిచింది. మంచి మైలేజ్, కంఫర్ట్ డ్రైవింగ్, ఆధునిక ఫీచర్లు, విశాలమైన సీటింగ్ స్పేస్ దీని ప్రధాన ఆకర్షణలు. మొత్తంగా చూస్తే తక్కువ బడ్జెట్‌లో ట్రైబర్, గ్రామీణ అవసరాలకు బొలెరో, ఫ్యామిలీ కంఫర్ట్ కోసం ఎర్టిగా ఉత్తమ ఎంపికలుగా నిపుణులు సూచిస్తున్నారు. వినియోగదారుల అవసరాన్ని బట్టి సరైన మోడల్ ఎంచుకోవడం ముఖ్యమని ఆటో నిపుణులు చెబుతున్నారు.