Stock Market Today: భారత స్టాక్ మార్కెట్లు సోమవారం ఉదయం నష్టంతో ప్రారంభమైనప్పటికీ, మధ్యాహ్నం నుండి లాభాల బాటపట్టాయి. ఉదయం సెన్సెక్స్ 73,477.53 వద్ద స్వల్ప నష్టంతో ప్రారంభమై ఇంట్రాడే 72,728.66 పాయింట్ల కనిష్ట స్థాయిని తాకింది.
ఇరాన్-అమెరికా మధ్య కాల్పుల విరమణ అంశంపై వార్తలు వెలువడడంతో మార్కెట్ పునరుద్ధరించబడింది. చివరికి సెన్సెక్స్ 74,106.85 వద్ద 787.30 పాయింట్లు (1.07%) పెరిగి ముగిసింది. నిఫ్టీ కూడా 22,968.25 వద్ద 255.15 పాయింట్ల (1.12%) లాభం సాధించింది.
లాభాల కారణంగా ఇన్వెస్టర్లు ఒక్క రోజే ₹5 లక్షల కోట్లు సంపాదించారు, భారతీయ మార్కెట్ విలువ ₹427 లక్షల కోట్లకు చేరింది. కన్స్యూమర్, పీఎస్యూ బ్యాంక్, రియాల్టీ షేర్లు బలంగా పెరిగినప్పటికీ, ఆయిల్ & గ్యాస్ షేర్లు నష్టపోయాయి.
డాలర్తో రూపాయి 93.05 వద్ద స్వల్ప బలపడింది. అంతర్జాతీయంగా, క్రూడాయిల్ 108 డాలర్లు, బంగారం 4689 డాలర్లు వద్ద కొనసాగుతోంది.
సెన్సెక్స్ 30లో ట్రెంట్, యాక్సిస్ బ్యాంక్, ఎల్అండ్ టీ, అల్ట్రా టెక్ సిమెంట్, టైటాన్ షేర్లు లాభంలో ముగిశాయి. మార్కెట్ పెరుగడానికి ప్రధాన కారణం ఇరాన్-అమెరికా విరమణ ప్రతిపాదనలు. క్రూడాయిల్ ధర తగ్గడంతో, రూపాయి విలువ బలపడింది.
