Indian stock market today: అంతర్జాతీయ మార్కెట్లలో ప్రతికూల సంకేతాలు, ఏఐ టూల్స్ ప్రభావంపై ఆందోళనలతో దేశీయ షేర్ మార్కెట్లు మంగళవారం భారీ నష్టాల్లో కొనసాగుతున్నాయి. ముఖ్యంగా ఐటీ షేర్లలో అమ్మకాలు వెల్లువెత్తడంతో సూచీలు తీవ్ర ఒత్తిడికి లోనయ్యాయి.
మధ్యాహ్నం సమయానికి “BSE” సూచీ సెన్సెక్స్ 1,018 పాయింట్లు కోల్పోయి 82,276 వద్ద ట్రేడవుతోంది. నేషనల్ స్టాక్ ఎక్స్చేంజ్ (“National Stock Exchange of India”) నిఫ్టీ 290 పాయింట్లు తగ్గి 25,422 వద్ద కొనసాగుతోంది. రూపాయి విలువ డాలర్తో పోలిస్తే 90.96 వద్ద నిలిచింది.
ఐటీ షేర్లలో భారీ అమ్మకాలు
సెన్సెక్స్ 30 సూచీలో “Tech Mahindra”, “HCL Technologies”, “Infosys”, “Tata Consultancy Services” షేర్లు ప్రధానంగా నష్టాల్లో కొనసాగుతున్నాయి. మరోవైపు “Hindustan Unilever”, “Sun Pharmaceutical Industries”, “NTPC Limited”, “Axis Bank” షేర్లు లాభాల్లో ట్రేడవుతున్నాయి.
మార్కెట్ల పతనానికి కారణాలివే
ఏఐ టూల్స్ రంగంలో ఆంథ్రోపిక్ “Anthropic” విడుదల చేసిన క్లాడ్ సాంకేతికత సాఫ్ట్వేర్ ఆధునికీకరణ ఖర్చులను తగ్గిస్తుందన్న ప్రకటన భారత ఐటీ కంపెనీలపై ఒత్తిడిని పెంచింది. ముఖ్యంగా “IBM” షేర్లు ఒక్కరోజే 13% పైగా పతనమయ్యాయి. కంపెనీ మార్కెట్ విలువలో సుమారు 40 బిలియన్ డాలర్లు ఆవిరయ్యాయి.
అమెరికా అధ్యక్షుడు డోనాల్డ్ ట్రంప్ టారిఫ్లపై చేసిన హెచ్చరికలతో అమెరికా మార్కెట్లు నష్టాల్లో ముగిశాయి. ఆసియా మార్కెట్లలో కూడా ప్రతికూల ధోరణి కనిపించింది.
డాలర్ బలపడటం, క్రూడ్ ఆయిల్ ధరలు పెరగడం వల్ల రూపాయి విలువ క్షీణించడం కూడా దేశీయ సూచీలపై ప్రభావం చూపింది.
ALSO READ:Spice Jet Boeing 737 | స్పైస్జెట్ విమానంలో సాంకేతిక లోపం.. ఢిల్లీకి సేఫ్ ల్యాండింగ్
