సోలార్ విద్యుత్ వినియోగంపై ప్రజలలో అవగాహన పెంచేందుకు నగరపాలక సంస్థ కమిషనర్ సూర్య తేజ కృషి చేస్తున్నారని ఆయన సోమవారం ఒక ప్రకటనలో తెలిపారు. సూర్య ఘర్ పథకం ద్వారా ప్రజలు కరెంటు బిల్లును తగ్గించుకోవచ్చని చెప్పారు. కస్తూర్బా కళాక్షేత్రంలో ఎక్స్ పో నిర్వహించడానికి జిల్లా కలెక్టర్ ఆదేశాల మేరకు, సోలార్ విద్యుత్ పై ప్రజలకి పూర్తి అవగాహన కల్పించేందుకు వేగంగా ప్రణాళికలు రూపొందించారు. ఈ కార్యక్రమం త్వరలో జరగనున్నది.
రాష్ట్రప్రభుత్వం ప్రతిష్టాత్మకంగా ప్రవేశపెట్టిన ఈ పథకం సామాన్య ప్రజలకు ఎంతో ఉపయోగపడుతుందని కమిషనర్ వివరించారు. 1 కిలో వాట్ విద్యుత్ ఉత్పత్తి కోసం సోలార్ ప్యానెల్ ఏర్పాటుకు లక్ష రూపాయలు ఖర్చు అవుతుందని, 30% సబ్సిడీ అందుతుందని చెప్పారు. మిగిలిన 70% మొత్తానికి బ్యాంకు రుణసదుపాయం పొందవచ్చు.
ఈ వేసవిలో వినియోగదారులకు మెరుగైన విద్యుత్ అందించడానికి సోలార్ విద్యుత్ అవసరమని చెప్పారు. సోలార్ ప్యానెల్లను ఇంటి పై ఏర్పాటు చేసుకోవడం వల్ల, విద్యుత్ ఉత్పత్తి మాత్రమే కాదు, ఇళ్లు చల్లగా ఉండే అవకాశం కూడా ఉంటుంది. ప్రస్తుతం మార్కెట్లో విద్యుత్ యూనిట్ ధరలు ఎక్కువగా ఉన్నందున, సోలార్ విద్యుత్ ఉపయోగించడం ద్వారా ఇంటికి సరిపడా విద్యుత్ పొందవచ్చు.
7వేల ఎస్సీ, ఎస్టీ కుటుంబాలకు 140 కోట్ల రూపాయలతో ఉచితంగా సోలార్ ప్యానెల్స్ అందించడానికి ప్రణాళికలు సిద్ధం చేశామని, 25 సంవత్సరాల గ్యారంటీతో ఈ ప్యానెల్స్ ఏర్పాటుచేస్తున్నామని కమిషనర్ తెలిపారు. మిగిలిన 20 సంవత్సరాలు ఉచితంగా విద్యుత్ పొందవచ్చు. సోలార్ విద్యుత్ వినియోగంలో వచ్చిన ప్రయోజనాలు విచారించడానికి, పొదలకూరు రోడ్డు లోని వినియోగదారుని ఇంటికి వెళ్లి, సోలార్ విద్యుత్ వల్ల వచ్చిన లాభాలను అడిగారు.
