“కవిత ఓ లేడీ డాన్… బీజేపీ బాణం అంటూ మధుయాష్కీ గౌడ్ సంచలన వ్యాఖ్యలు!”

తెలంగాణ రాజకీయాల్లో మరోసారి మాటల యుద్ధం ముదిరింది. మాజీ ఎంపీ మధుయాష్కీ గౌడ్ చేసిన వ్యాఖ్యలు తీవ్ర చర్చకు దారితీస్తున్నాయి.ఓ మీడియా సమావేశంలో మాట్లాడిన మధుయాష్కీ, బీఆర్ఎస్ నేత కల్వకుంట్ల కవితపై తీవ్ర విమర్శలు గుప్పించారు.“కవిత ఓ లేడీ డాన్‌లా వ్యవహరిస్తోంది. ఆమె బీజేపీ వదిలిన బాణంలా తెలంగాణ రాజకీయాల్లో తిరుగుతోంది” అని ఆరోపించారు.అంతేకాకుండా,“కవిత ప్రధాని మోదీ, హోంమంత్రి అమిత్ షా కనుసన్నల్లో నడుస్తోంది. కేసీఆర్ కుటుంబం గత 10 ఏళ్లుగా తెలంగాణను దోచుకుందని ప్రజలకు స్పష్టంగా తెలుసుతోంది” అని విమర్శించారు.“ప్రజల కోసం ఉద్యమించినవారికి తెలంగాణా ఇవ్వలేదు. కానీ కుటుంబ పాలన కోసం పడ్డవాళ్లే దోపిడీ చేస్తున్నారు. ఇది కవిత, కేసీఆర్ కుటుంబ పాలనకు ఉదాహరణ అని మధుయాష్కీ గౌడ్ మండి పడ్డారు.బీజేపీ, బీఆర్‌ఎస్, కాంగ్రెస్ మధ్య మాటల తూటాలు తారస్థాయికి చేరుతున్న ఈ సమయంలో… మధుయాష్కీ చేసిన వ్యాఖ్యలు రాజకీయంగా కొత్త దుమారం రేపే అవకాశముంది.ఒకవైపు కవిత జై తెలంగాణ, అమరవీరుల పేరుతో ఉద్యమం అంటుండగా… మరోవైపు ఆమెపై వచ్చిన ఈ విమర్శలు బీజేపీతో సున్నిత సంబంధాలపై కొత్త చర్చకు దారి తీస్తున్నాయి.