నటి, దర్శకురాలు రేణు దేశాయ్ సోషల్ మీడియా వేదికగా తరచూ తన ఆలోచనలు, భావోద్వేగాలను అభిమానులతో పంచుకుంటూ ఉంటారు. తాజాగా ఆమె పోస్ట్ చేసిన ఓ తాత్వికమైన సందేశం నెటిజన్ల దృష్టిని బాగా ఆకర్షిస్తోంది. “క్రీడల ముసుగులో ఇతరుల్ని బాధపెట్టడం అవసరమని మానవులు ఎందుకు భావిస్తారు?” అంటూ రేణు దేశాయ్ తన ఇన్‌స్టాగ్రామ్ స్టోరీలో ప్రశ్నించారు. ఈ వాక్యం సామాన్యంగా ఉన్నా, దానికున్న లోతైన అర్థాన్ని నెటిజన్లు విశ్లేషిస్తున్నారు. జంతు ప్రేమికురాలిగా పేరొందిన రేణు, మూగజీవాల సంరక్షణ, హక్కుల కోసం ఆమె పెట్టే పోస్టులు తరచూ వైరల్ అవుతుంటాయి. ప్రస్తుతం చేసిన ఈ కామెంట్ కూడా అదే తరహాలో ఉందని పలువురు భావిస్తున్నారు. వినోదం, ఆటల పేరుతో జంతువులపై హింసను కండించేందుకు ఆమె ఈ వ్యాఖ్యలు చేసినట్లు చర్చ జరుగుతోంది. రేణు దేశాయ్ వ్యక్తిగత అభిప్రాయాలను గౌరవిస్తూ తన అభిమానం చూపే వారు ఈ పోస్టును మెచ్చుకుంటున్నారు. మానవత్వం, జాలితో కూడిన ఆమె యొక్క పోస్ట్‌లు పలువురికి ఆలోచనలకు దారి తీస్తున్నాయి. తన అభిప్రాయాలను నెమ్మదిగా, కానీ బలంగా వ్యక్తపరిచే రేణు దేశాయ్… మరోసారి తన తాత్వికతతో సోషల్ మీడియాలో చర్చకు కేంద్ర బిందువైయ్యారు.
”రేణు దేశాయ్ ఇన్‌స్టా పోస్ట్ వైరల్”
మూగజీవాల పక్షంలో మరోసారి రేణు దేశాయ్
