ఐసీసీ ఛాంపియన్స్ ట్రోఫీ రూపంలో దాదాపు 29 ఏళ్ల తరువాత పాకిస్థాన్ ఓ మెగాటోర్నీకి ఆతిథ్యం ఇస్తోంది. అదే కాకుండా, డిఫెండింగ్ ఛాంపియన్గా ఈ టోర్నీలో బరిలోకి దిగింది. అయితే, ఈసారి ఆశించిన స్థాయిలో ప్రదర్శన చేయలేకపోయింది. ఇప్పటివరకు ఆడిన రెండు మ్యాచ్ల్లోనూ పరాజయం పాలవడంతో సెమీస్ అవకాశాలు తీవ్రంగా దెబ్బతిన్నాయి.
ఈ నేపథ్యంలో, న్యూజిలాండ్-బంగ్లాదేశ్ మధ్య జరగబోయే మ్యాచ్పై పాక్ భవితవ్యం ఆధారపడి ఉంది. ఈ మ్యాచ్లో న్యూజిలాండ్ విజయం సాధిస్తే, గ్రూప్-ఏ నుంచి న్యూజిలాండ్, భారత్ సెమీ ఫైనల్కు చేరుకుంటాయి. దీంతో పాకిస్థాన్, బంగ్లాదేశ్ నాకౌట్ దశ నుంచే ఇంటిముఖం పడతాయి.
ఒకవేళ న్యూజిలాండ్ ఓడితే మాత్రం పరిస్థితి మారవచ్చు. బంగ్లాదేశ్ గెలిస్తే, పాకిస్థాన్ ఇంకా పోటీ పంచుకోవడానికి అవకాశం ఉంటుంది. అయితే, ఇది మిగిలిన జట్ల నెట్ రన్ రేట్, విజయాలపై ఆధారపడి ఉంటుంది. పాక్కు సెమీస్ అవకాశాలు ఉండాలంటే, న్యూజిలాండ్ భారీ తేడాతో ఓడిపోవాల్సి ఉంటుంది.
ఈ మ్యాచ్ ఫలితం క్రికెట్ ప్రేమికులకు ఉత్కంఠగా మారింది. పాకిస్థాన్ అభిమానులు తమ జట్టు తుదివరకూ పోటీ లో ఉండాలని కోరుకుంటున్నారు. మరోవైపు, న్యూజిలాండ్ తాము గెలిచి ముందుకు వెళ్లాలని ప్రయత్నిస్తోంది. మరి ఈ కీలక సమరం ఎవరికీ అనుకూలంగా మారుతుందో చూడాలి!
