UAE Gas Field Attack: పర్షియన్ గల్ఫ్ ప్రాంతంలో ఉద్రిక్తతలు మరింత పెరుగుతున్న నేపథ్యంలో యునైటెడ్ అరబ్ ఎమిరేట్స్లోని షా గ్యాస్ క్షేత్రంపై(shah gas field fire) ఇరాన్కు చెందిన డ్రోన్ దాడి కలకలం రేపింది.
ఈ దాడి కారణంగా గ్యాస్ ప్లాంట్లో భారీ అగ్నిప్రమాదం సంభవించగా, చుట్టుపక్కల ప్రాంతాల్లో దట్టమైన పొగ వ్యాపించింది. పరిస్థితిని గమనించిన అధికారులు వెంటనే అక్కడి కార్యకలాపాలను తాత్కాలికంగా నిలిపివేశారు.
సమాచారం అందుకున్న వెంటనే అగ్నిమాపక సిబ్బంది మరియు రెస్క్యూ బృందాలు సంఘటనా స్థలానికి చేరుకుని మంటలను అదుపులోకి తెచ్చాయి. ఈ ఘటనలో ఎలాంటి ప్రాణనష్టం జరగలేదని అధికారులు స్పష్టం చేశారు. గ్యాస్ క్షేత్రానికి జరిగిన నష్టాన్ని అంచనా వేసే వరకు ఉత్పత్తి కార్యకలాపాలు నిలిపివేయాలని నిర్ణయించారు.
ఇదిలా ఉండగా, యూఏఈ(UAE) తూర్పు తీరానికి సమీపంలోని ఒమన్ గల్ఫ్లో ప్రయాణిస్తున్న ఒక చమురు ట్యాంకర్పై కూడా క్షిపణి దాడి జరిగినట్లు సమాచారం. ఫుజైరా సమీపంలో ఈ ఘటన చోటుచేసుకున్నట్లు యూకే మారిటైమ్ ట్రేడ్ ఆపరేషన్స్ వెల్లడించింది. ఈ దాడిలో ట్యాంకర్కు స్వల్ప నష్టం జరిగినప్పటికీ, ఎలాంటి ప్రాణ నష్టం జరగలేదు.
ఈ రెండు ఘటనల వెనుక ఇరాన్ పాత్ర ఉండొచ్చనే అనుమానాలు వ్యక్తమవుతున్నాయి. ఘటనపై దర్యాప్తు కొనసాగుతోందని అధికారులు తెలిపారు. గల్ఫ్ ప్రాంతంలో ప్రయాణించే నౌకలు అప్రమత్తంగా ఉండాలని సూచనలు జారీ చేశారు. ఈ పరిణామాలు ప్రాంతీయ భద్రతపై ఆందోళనలను మరింత పెంచుతున్నాయి.
