బిహార్లో ఘోరమైన ఘటన చోటు చేసుకుంది. పశ్చిమ చంపారన్ జిల్లాకు చెందిన ముగ్గురు టీనేజర్లు మాన్సా తోలా ప్రాంతంలో పబ్జీ ఆట ఆడుతున్నారు. ఈ సమయంలో వారు చెవిలో ఇయర్ ఫోన్స్ పెట్టుకుని ఉండటంతో రైలు వారి దగ్గర వస్తున్న విషయం గమనించలేకపోయారు. ఇది ప్రమాదానికి దారితీసింది, వేగంగా వచ్చిన రైలు వారిపై వెళ్లిపోయింది. దీంతో ముగ్గురు నేరుగా ప్రాణాలు కోల్పోయారు.
ఈ ఘటన ముఫాసిల్ పోలీస్ స్టేషన్ పరిధిలోని నర్కతియాగంజ్-ముజఫర్పూర్ రైలు సెక్షన్లోని మాన్సా తోలాలో జరిగింది. మృతులను గుమ్టి నివాసి ఫుర్కాన్ ఆలం, మన్షా తోలాకు చెందిన సమీర్ ఆలం, బారి తోలా నివాసి హబీబుల్లా అన్సారీగా గుర్తించారు. సంఘటనా స్థలాన్ని సందర్శించిన స్థానికులు తీవ్ర విచారాన్ని వ్యక్తం చేశారు.
ప్రమాదం జరిగిన తర్వాత మృతుల కుటుంబ సభ్యులు వారి శవాలను స్వగ్రామాలకు తరలించారు. స్థానికంగా ఈ సంఘటన విషాదాన్ని నింపింది. సదర్ సబ్ డివిజనల్ పోలీస్ ఆఫీసర్ (ఎస్డీపీఓ) వివేక్ దీప్ మరియు రైల్వే పోలీసులు సంఘటనా స్థలాన్ని పరిశీలించారు. వారు మొబైల్ గేమ్స్ ఆడే అలవాట్ల వల్ల రైలు ట్రాక్లపై జరిగే ప్రమాదాలపై ఆందోళన వ్యక్తం చేశారు.
అధికారులు పిల్లల గేమింగ్ అలవాట్లను పర్యవేక్షించాల్సిన బాధ్యత తల్లిదండ్రులపై ఉందని, భవిష్యత్తులో ఇలాంటి ప్రమాదాలు రాకుండా చూడటానికి అప్రమత్తంగా ఉండాలని సూచించారు.
