Sundar Pichai: 2026 పట్టభద్రుల వేడుకల్లో భాగంగా స్టాన్ఫోర్డ్ యూనివర్సిటీలో ప్రసంగించిన గూగుల్ అధినేత సుందర్ పిచాయ్కు సంబంధించిన కార్యక్రమంలో అనూహ్య పరిస్థితులు నెలకొన్నాయి. ఆయన ప్రసంగం ప్రారంభమైన కొద్దిసేపటికే వందలాది మంది విద్యార్థులు నిరసన వ్యక్తం చేస్తూ వేడుక ప్రాంగణం నుంచి బయటకు వెళ్లిపోయారు. కొందరు విద్యార్థులు “ఫ్రీ పాలస్తీన్” నినాదాలు చేస్తూ పాలస్తీనా జెండాలను ప్రదర్శించారు.
స్టాన్ఫోర్డ్ యూనివర్సిటీ ఆహ్వానంతో ముఖ్య అతిథిగా హాజరైన సుందర్ పిచాయ్ వేదికపైకి వచ్చిన వెంటనే సుమారు 100 నుంచి 200 మంది విద్యార్థులు తమ అసంతృప్తిని వ్యక్తం చేశారు. విజిల్స్ ఊదుతూ, కెఫీయా స్కార్ఫ్లు ధరించిన కొందరు విద్యార్థులు నినాదాలు చేస్తూ స్టేడియం నుంచి బయటకు వెళ్లిపోయారు. ఈ నిరసనలకు గూగుల్, అమెజాన్ సంస్థలు ఇజ్రాయెల్ ప్రభుత్వంతో కుదుర్చుకున్న “ప్రాజెక్ట్ నింబస్” ఒప్పందమే ప్రధాన కారణమని విద్యార్థి సంఘాలు పేర్కొంటున్నాయి. క్లౌడ్ కంప్యూటింగ్, ఆర్టిఫిషియల్ ఇంటెలిజెన్స్ సేవల కోసం కుదిరిన ఈ ఒప్పందంపై కొంతకాలంగా వివాదం కొనసాగుతోంది.
అయితే నిరసనల మధ్య కూడా సుందర్ పిచాయ్ తన ప్రసంగాన్ని కొనసాగించారు. జీవితంలో ఆశావాదం, అవకాశాలను అందిపుచ్చుకోవడం, నిర్ణయాల ప్రాముఖ్యత వంటి అంశాలపై విద్యార్థులకు సూచనలు చేశారు. ఆసక్తికరంగా, ఇటీవల ఏఐ ప్రభావంపై పెరుగుతున్న చర్చల నేపథ్యంలో ఈసారి ఆయన కృత్రిమ మేధస్సు అంశాన్ని ఎక్కువగా ప్రస్తావించకుండా ప్రసంగాన్ని ముగించారు. చెన్నైలో జన్మించిన సుందర్ పిచాయ్, స్టాన్ఫోర్డ్ విశ్వవిద్యాలయంలో ఉన్నత విద్యను అభ్యసించి, అనంతరం గూగుల్లో చేరి ప్రపంచ ప్రముఖ టెక్నాలజీ సంస్థలకు నాయకత్వం వహిస్తున్న విషయం తెలిసిందే.
- Advertisement -
- Advertisment -
Must Read
Rajnath Singh | సముద్రంలో భారత్కు తిరుగులేదు.. రాజ్నాథ్ సింగ్ కీలక ప్రకటన
Rajnath Singh: భారత సముద్ర భద్రతను మరింత బలోపేతం చేసే దిశగా మరో కీలక అడుగు పడింది. విశాఖపట్నంలోని నావల్ డాక్యార్డ్లో నిర్వహించిన ప్రత్యేక కార్యక్రమంలో ఐఎన్ఎస్ మహేంద్రగిరి భారత నౌకాదళంలో కొత్తగా...
- Advertisement -
