LIVE
Wednesday, November 18, 2026
LIVE
LIVE

Kalvakuntla Kavitha | డ్రాప్‌అవుట్ల లెక్కలపై కవిత సంచలన వ్యాఖ్యలు

by Bajaswamy
4 views
Kalvakuntla Kavitha

Kalvakuntla Kavitha: తెలంగాణలో విద్యావ్యవస్థలో మార్పుల పేరుతో ప్రభుత్వం తీసుకుంటున్న నిర్ణయాలు ఇప్పుడు రాజకీయంగా చర్చనీయాంశంగా మారుతున్నాయి. ముఖ్యంగా ఇంటర్మీడియట్ బోర్డు రద్దు ప్రతిపాదనపై తెలంగాణ రక్షణ సేన అధ్యక్షురాలు కల్వకుంట్ల కవిత తీవ్ర అభ్యంతరం వ్యక్తం చేశారు. ఇంటర్ బోర్డు రద్దుకు సంబంధించి ముఖ్యమంత్రి చెబుతున్న డ్రాప్‌అవుట్ల గణాంకాలు పూర్తిస్థాయి వాస్తవాలను ప్రతిబింబించడం లేదని ఆమె అన్నారు. పదో తరగతి తర్వాత ఇంటర్‌లో చేరేవారిలో కేవలం 60 శాతం మంది మాత్రమే కొనసాగుతున్నారన్న లెక్క ప్రభుత్వ పాఠశాలలకు సంబంధించినదై ఉండొచ్చని, మొత్తం విద్యార్థులను పరిగణనలోకి తీసుకుంటే డ్రాప్‌అవుట్ల శాతం 16 మాత్రమేనని పేర్కొన్నారు. ప్రభుత్వ పాఠశాలల్లో చదివిన విద్యార్థులు ప్రైవేట్ కళాశాలల్లో లేదా ఇతర కోర్సుల్లో చేరడాన్ని కూడా డ్రాప్‌అవుట్లుగా పరిగణించకూడదని స్పష్టం చేశారు. అలాగే అడ్మినిస్ట్రేటివ్ రిఫార్మ్స్‌ను ఎడ్యుకేషనల్ రిఫార్మ్స్‌గా భావించకూడదని హితవు పలికారు. ఒకటి నుంచి పదో తరగతి వరకు డ్రాప్‌అవుట్లు లేని విద్యలో తెలంగాణ టాప్‌-5లో ఉన్నప్పటికీ, నాణ్యమైన విద్యలో 28వ స్థానంలో ఉందని గుర్తుచేశారు. ఇంటర్ బోర్డు రద్దు నిర్ణయాన్ని పూర్తిగా వ్యతిరేకించడం లేదని, అయితే ఏకపక్షంగా నిర్ణయాలు తీసుకుంటే మాత్రం అంగీకరించబోమని హెచ్చరించారు. విద్యా సంస్కరణలు విద్యార్థుల భవిష్యత్తును దృష్టిలో పెట్టుకుని జరగాలని, గణాంకాల ఆధారంగా కాకుండా క్షేత్రస్థాయి పరిస్థితులను పరిశీలించి ప్రభుత్వం నిర్ణయాలు తీసుకోవాలని కవిత డిమాండ్ చేశారు.

banner

You may also like

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More