సెర్చింజన్ దిగ్గజం గూగుల్, టెక్ దిగ్గజం మైక్రోసాఫ్ట్కు షాక్ ఇచ్చేందుకు ప్రపంచ కుబేరుడు, టెస్లా సీఈవో ఎలాన్ మస్క్ రెడీ అవుతున్నారు. ‘ఎక్స్ మెయిల్’ పేరుతో ఈమెయిల్ ప్రారంభించేందుకు సన్నాహాలు చేస్తున్నట్టు తెలిసింది. ఈ ఆలోచనకు మస్క్, ఓ ఎక్స్ యూజర్ సూచన మేరకు వచ్చినట్టు సమాచారం. “ఎక్స్ మెయిల్” ఉంటే జీమెయిల్, అవుట్లుక్ వంటి ఇతర ఈమెయిల్ సర్వీసులకు అది పోటీ అవుతుందని మస్క్ స్పందించారు.
ప్రస్తుతం గ్లోబల్ ఈమెయిల్ మార్కెట్లో యాపిల్ మెయిల్ 53.67 శాతంతో ఆధిపత్యం ప్రదర్శిస్తుంది. జీమెయిల్ 30.70 శాతంతో రెండో స్థానంలో నిలిచింది. అవుట్లుక్ (4.38%) మరియు యాహూ మెయిల్ (2.64%) తదితర ఈమెయిల్ సర్వీసులు తరువాతి స్థానాల్లో ఉన్నాయి. అయితే, మస్క్ “ఎక్స్ మెయిల్”ను ప్రారంభించడం ద్వారా ఈ స్పష్టమైన మార్కెట్ పటానికి సవాల్ విసురుతారని అంటున్నారు.
మస్క్ ఈ సర్వీస్ను సెప్టెంబర్ 2024 నాటికి లాంచ్ చేసే అవకాశాలు ఉన్నట్లు చెప్పుతున్నారు. ఇప్పటికే ఎక్స్ యూజర్లు ‘ఎక్స్ ఫోన్’ పై కూడా ఆలోచనలు వ్యక్తం చేస్తున్నారు. మస్క్ తాజా వ్యాఖ్యలు ప్రపంచవ్యాప్తంగా ఉత్సాహం కలిగించాయి, అంతేకాదు టెక్ ప్రపంచంలో మరో సంచలనం సృష్టించే అవకాశాలు ఉన్నాయి.
“ఎక్స్ మెయిల్” లాంచ్ ద్వారా మస్క్ తన సాంకేతిక సామర్థ్యాలను మరింత అభివృద్ధి చేయడానికి సంకల్పం తీసుకున్నట్లు తెలుస్తోంది.
