Tamilnadu Elections 2026: తమిళనాడులో అసెంబ్లీ ఎన్నికల వాతావరణం వేడెక్కుతోంది. ప్రధాన ప్రతిపక్ష AIADMK ప్రజలకు ఆకర్షణీయమైన హామీలతో ముందుకొచ్చింది. పార్టీ ప్రధాన కార్యదర్శి కె. పళనిస్వామి ప్రతి కుటుంబానికి ప్రభుత్వ ప్రయోజనాలు సమానంగా చేరేలా చర్యలు తీసుకుంటామని తెలిపారు. పెట్టుబడుల ద్వారా ఉద్యోగ అవకాశాలు సృష్టించి యువతకు ఉపాధి కల్పిస్తామని చెప్పారు.
చేనేత, హ్యాండ్లూమ్ కార్మికులకు ఉచిత విద్యుత్ పరిమితిని పెంచడం, పట్టణాల్లో చిన్న వ్యాపారాల రుణాలను మాఫీ చేయడం వంటి నిర్ణయాలను ప్రకటించారు.
నిరుద్యోగ యువతకు నెలకు రూ.1,000–2,000 ఆర్థిక భరోసా, మత్స్యకారులకు వార్షిక సాయం రూ.12,000, ప్రతి కుటుంబానికి రూ.10,000 ఉపశమనం అందిస్తామని హామీ ఇచ్చారు.
జయలలిత 78వ జయంతి సందర్భంలో ఈ హామీలను ప్రకటించిన పార్టీ, అధికారంలోకి వచ్చిన వెంటనే అమలు చేస్తుందని తెలిపింది. ఈ హామీలు తమిళనాడు ఎన్నికలలో రాజకీయ చర్చలకు దారితీస్తున్నాయి.
ALSO READ:Maoist Leaders Surrenders | డీజీపీ ఎదుట లొంగిపోయిన మావోయిస్టు అగ్రనేతలు
