FIFA World Cup: ఫిఫా ప్రపంచకప్లో స్పెయిన్ తన అద్భుత ప్రదర్శనను కొనసాగిస్తూ సెమీఫైనల్కు అర్హత సాధించింది. క్వార్టర్ఫైనల్లో బెల్జియంతో జరిగిన ఉత్కంఠభరిత పోరులో 2-1 తేడాతో విజయం సాధించిన స్పానిష్ జట్టు చివరి వరకు పోరాడి అభిమానులను అలరించింది. మ్యాచ్ ముగింపు దశలో సబ్స్టిట్యూట్గా బరిలోకి దిగిన మైకేల్ మెరినో చేసిన గోల్ స్పెయిన్ విజయాన్ని ఖరారు చేసింది.
మ్యాచ్ ప్రారంభం నుంచే దూకుడుగా ఆడిన స్పెయిన్కు 30వ నిమిషంలో ఫాబియన్ రూయిజ్ తొలి గోల్ అందించాడు. అయితే బెల్జియం కూడా వెనుకడుగు వేయకుండా 41వ నిమిషంలో డీ కెటెలారే గోల్ చేయడంతో తొలి అర్ధభాగం 1-1తో ముగిసింది. రెండో అర్ధభాగంలో ఇరు జట్లు అవకాశాల కోసం తీవ్రంగా పోరాడినా గోల్ మాత్రం నమోదు కాలేదు.
మ్యాచ్ చివరి నిమిషాల్లో బెల్జియం గోల్కీపర్ గాయంతో మైదానం వీడగా, ప్రత్యామ్నాయ కీపర్ లెమ్మెన్స్ బాధ్యతలు చేపట్టాడు. ఇదే సమయంలో స్పెయిన్ చేసిన దాడిని పూర్తిగా అడ్డుకోలేకపోయాడు. అతడి చేతికి తాకి తిరిగి వచ్చిన బంతిని మెరినో ఎలాంటి తప్పిదం లేకుండా గోల్గా మలిచాడు. 88వ నిమిషంలో నమోదైన ఈ గోల్తో స్పెయిన్ అభిమానుల సంబరాలకు అవధులు లేకుండా పోయాయి.
ఇది వరుసగా రెండో నాకౌట్ మ్యాచ్లో మెరినో చివరి క్షణాల్లో హీరోగా నిలిచిన సందర్భం. ప్రీక్వార్టర్లో పోర్చుగల్పై కూడా ఆయన చేసిన గోల్ జట్టుకు విజయాన్ని అందించింది. ఇప్పుడు సెమీఫైనల్లో స్పెయిన్కు అసలైన సవాల్ ఎదురుకానుంది. టైటిల్ ఫేవరెట్గా భావిస్తున్న ఫ్రాన్స్తో జరిగే పోరులో విజయం సాధించి ఫైనల్కు చేరాలని స్పానిష్ జట్టు లక్ష్యంగా పెట్టుకుంది.
FIFA World Cup | చివరి క్షణాల్లో గోల్.. స్పెయిన్కు సెమీస్ బెర్త్, సెమీఫైనల్లో ఫ్రాన్స్తో పోరు
-
- Advertisement -
- Advertisment -
Must Read
Malla Reddy | తిరుపతిలో మల్లారెడ్డి యూనివర్సిటీ.. శ్రీవారి ఆశీస్సులతో కల సాకారం!
తిరుపతిలో డీమ్డ్ యూనివర్సిటీ(Malla Reddy Deemed University) ఏర్పాటు దిశగా కీలక ముందడుగు పడినట్లు మల్లారెడ్డి గ్రూప్ ఆఫ్ ఇన్స్టిట్యూషన్స్ ఛైర్మన్, మాజీ మంత్రి మల్లారెడ్డి ప్రకటించారు. తిరుమల శ్రీవారిని దర్శించుకున్న అనంతరం...
- Advertisement -
