వైఎస్సార్ కాంగ్రెస్ పార్టీ అధినేత వైఎస్ జగన్ నేడు తెనాలికి రానున్నారు. ఈ సందర్భంగా వైసీపీ శ్రేణులు భారీ ఏర్పాట్లు చేశారు. తెనాలి మాజీ ఎమ్మెల్యే అన్నాబత్తుని శివకుమార్ పెద్ద కుమారుడి వివాహ రిసెప్షన్‌కు ముఖ్య అతిథిగా జగన్ హాజరవుతారు. జగన్ రాకను పురస్కరించుకుని కార్యకర్తలు, అభిమానులు భారీ ర్యాలీతో స్వాగతం పలికేందుకు సిద్ధమయ్యారు.
తెనాలి VSR కాలేజ్ నుంచి ASN ఇంజనీరింగ్ కాలేజ్ వరకు జగన్ ప్రయాణించే రూట్ మ్యాప్ సిద్ధం చేశారు. పర్యటన సందర్భంగా రహదారులను అలంకరించి, పార్టీ జెండాలు, పోస్టర్లతో నగరాన్ని మరింత ఆకర్షణీయంగా మార్చారు. భద్రతా ఏర్పాట్లను సమీక్షించి, ఎలాంటి అవాంఛనీయ ఘటనలు జరగకుండా కట్టుదిట్టమైన ఏర్పాట్లు చేశారు.
తెనాలి నియోజకవర్గం నుంచి వేలాదిగా వైసీపీ కార్యకర్తలు, అభిమానులు జగన్‌ను కలుసుకునేందుకు సిద్ధమవుతున్నారు. వివాహ రిసెప్షన్ అనంతరం పార్టీ శ్రేణులతో జగన్ కీలక సమావేశం నిర్వహించే అవకాశం ఉన్నట్లు తెలుస్తోంది. పార్టీకి మరింత బలాన్నిచ్చేలా కార్యకర్తలకు ప్రత్యేక దిశానిర్దేశం చేయనున్నట్లు సమాచారం.
వైఎస్ జగన్ పర్యటన సందర్భంగా అభిమానులు ఉత్సాహంగా ఎదురుచూస్తున్నారు. కార్యక్రమం సజావుగా సాగేందుకు పోలీసులు భారీ భద్రతా ఏర్పాట్లు చేశారు. జగన్ పర్యటన తెనాలిలో రాజకీయంగా ఆసక్తికరంగా మారినట్లు విశ్లేషకులు భావిస్తున్నారు.
