Religion Bill: మహారాష్ట్ర అసెంబ్లీ 2026లో మరో కీలక నిర్ణయం తీసుకుంది. బలవంతపు మత మార్పిడులను అరికట్టడానికి ప్రవేశపెట్టిన “మహారాష్ట్ర మత స్వేచ్ఛ బిల్లు 2026“(Religion Bil 2026) ను సభ ఆమోదించింది. పెళ్లి, ప్రేమ, మోస, బెదిరింపు లేదా ఇతర ప్రలోభాల ద్వారా ఎవరినైనా మతం మార్చడాన్ని ఈ బిల్లు నిషేధిస్తుంది. ముఖ్యమంత్రి “దేవేంద్ర ఫడ్నవీస్”(Devendra Fadnavis) వివరించినట్లుగా, ఇది ఏ ఒక్క మతానికి వ్యతిరేకం కాదు, కేవలం అక్రమ మార్పిడులను నివారించడమే లక్ష్యం.
చట్ట ప్రకారం, పెళ్లి పేరుతో మోసపూరిత మత మార్పిడికి పాల్పడితే “7 ఏళ్ల జైలు శిక్ష మరియు రూ.1 లక్ష జరిమానా” విధించబడుతుంది. బాధితులు మైనర్, మహిళలు లేదా ఎస్సీ/ఎస్టీ సమాజానికి చెందినవారైన సందర్భంలో జరిమానా రూ.5 లక్షలకు చేరవచ్చు. సామూహిక మత మార్పిడికి కూడా ఇదే శిక్షలు వర్తిస్తాయి. పదేపదే ఇలాంటి నేరాలకు పాల్పడే వారికి గరిష్టంగా 10 ఏళ్ల జైలు శిక్ష పడుతుంది.
రాజ్యాంగంలోని 25వ అధికరణ ప్రకారం ప్రతి పౌరుడు నచ్చిన మతాన్ని అనుసరించడానికి హక్కు కలిగినప్పటికీ, ఇతరులను ప్రలోభపెట్టి మార్చడం ఆ హక్కులో భాగం కాదు.
60 రోజుల ముందే జిల్లా మేజిస్ట్రేట్కు నోటీసు ఇవ్వాలన్న నిబంధన, వ్యక్తి స్వచ్ఛంద నిర్ణయం లేదా బలవంతం జరుగుతోందో గుర్తించడానికి మాత్రమే ప్రవేశపెట్టబడింది. కాంగ్రెస్, సమాజ్వాదీ పార్టీలు వ్యక్తిగత గోప్యతకు విరుద్ధమని చెప్పినా, ప్రతిపక్ష శివసేన (యుబిటి) మద్దతు ఇచ్చి బిల్లు అసెంబ్లీలో గెలిచింది.
