పార్వతీపురం జిల్లా కలెక్టర్ ఏ. శ్యాంప్రసాద్ దివ్యాంగులు, వయోవృద్ధుల అవసరాలను తీర్చేందుకు ఏర్పాటు చేసిన శిబిరాలను గురువారం తనిఖీ చేశారు. జిల్లా సంక్షేమ శాఖ, ఆలిమై కో సంస్థ సహకారంతో నిర్వహించిన ఈ శిబిరం ప్రభుత్వ జూనియర్ కళాశాల ఆవరణంలో జరిగింది.
ఈ సందర్భంగా కలెక్టర్ శిబిరానికి హాజరైన ప్రతిభావంతులు, వయోవృద్ధులతో మమేకమయ్యారు. వారి సమస్యలను వివరంగా తెలుసుకుని, అవసరమైన సహాయాన్ని అందించడానికి చర్యలు తీసుకుంటామని తెలిపారు. శిబిరంలో మొత్తం 294 మంది ఎంపికైనట్లు కమిటీ సభ్యులు తెలిపారు.
ఎంపికైన వారికి తక్షణం అవసరమైన పత్రాలను పంపిణీ చేసి, భవిష్యత్లో వారికి కావలసిన పరికరాలను రెండు నెలల్లో అందజేస్తామని కలెక్టర్ తెలిపారు. శిబిరాల ఏర్పాటు ద్వారా వయోవృద్ధులు, ప్రతిభావంతుల ఆత్మవిశ్వాసాన్ని పెంపొందించడమే లక్ష్యమని వివరించారు.
కలెక్టర్ పిలుపు మేరకు ఈ శిబిరాలను సమర్థవంతంగా ఉపయోగించుకోవాలని, అందరూ తమ సమస్యలను ముందుకు తీసుకురావాలని ఆయన సూచించారు. ఈ కార్యక్రమంలో ప్రభుత్వ అధికారులు, శిబిరం నిర్వాహకులు పాల్గొన్నారు.
