పార్వతిపురం మన్యం జిల్లా కొమరాడ మండలం కోటిపాము పంచాయతీ వరద ప్రభావానికి గురైంది. శ్రీ సోమేశ్వర గుంప ఆలయాన్ని వరద నీరు చుట్టుముట్టింది.
గత ఐదు రోజులుగా కురుస్తున్న వర్షాల వల్ల ఆలయ పరిసర ప్రాంతాలు నీటితో నిండిపోయాయి. ఒడిస్సా నుంచి వచ్చే నాగావళి నదికి వరద నీరు చేరింది.
నాగావళి నది ఎగువ ప్రాంతం నుంచి వరద నీరు ప్రవహించడంతో కోటిపాము పంచాయతీలోని రెండు నదులు కలిసాయి. ఈ కారణంగా ఆలయం ముంపునకు గురైంది.
అప్పుడప్పుడూ ఇలాగే వరదలు వచ్చి ఆలయానికి ఇబ్బందులు కలిగిస్తున్నాయి. ప్రజలు మరియు భక్తులు ఈ పరిస్థితికి తీవ్ర ఇబ్బంది పడుతున్నారు.
అధికారులు ఇప్పటి వరకు ఎటువంటి చర్యలు తీసుకోలేదు. ఆలయ పూజారులు తమ ఆందోళన వ్యక్తం చేశారు.
వరద ప్రభావం తగ్గనంత వరకు పూజలు నిలిపివేసే అవకాశం ఉంది. ఆలయ పునరుద్ధరణకు సంబంధించిన చర్యలు చేపట్టాలని పూజారులు కోరుతున్నారు.
ప్రతీ సంవత్సరం ఇలాంటి సమస్యలు ఎదురవుతుంటాయి కాబట్టి శాశ్వత పరిష్కారం కోసం అధికారుల స్పందన కోసం వేచి చూస్తున్నారు.
ఈ విషయంలో ప్రభుత్వ అధికారులు త్వరగా స్పందించి తగిన చర్యలు తీసుకుంటారని స్థానికులు ఆశాభావం వ్యక్తం చేస్తున్నారు..
