Mehfil Hotel Fire Accident | మెహెఫిల్ హోటల్‌లో భారీ మంటలు

Mehfil Hotel Fire Accident: హైదరాబాద్‌లో అగ్నిప్రమాదం కలకలం రేపింది. దుర్గానగర్ ప్రాంతంలోని మెహెఫిల్ హోటల్‌పై ఒక్కసారిగా మంటలు చెలరేగి దట్టమైన పొగలు ఎగసిపడ్డాయి. ఈ ఘటన మైలార్దేవ్‌పల్లి పోలీస్ స్టేషన్ పరిధిలో చోటుచేసుకుంది.

ప్రాథమిక సమాచారం ప్రకారం, హోటల్ భవనం పైభాగంలో ఉన్న టవర్‌లో ప్రమాదవశాత్తు మంటలు చెలరేగినట్లు తెలుస్తోంది. మంటలు వేగంగా వ్యాపించడంతో చుట్టుపక్కల ప్రాంతాల్లో ఆందోళన నెలకొంది. భారీగా పొగలు వ్యాపించడంతో స్థానికులు భయాందోళనకు గురయ్యారు.

సమాచారం అందుకున్న అగ్నిమాపక సిబ్బంది వెంటనే సంఘటనా స్థలానికి చేరుకుని మంటలను అదుపులోకి తీసుకొచ్చేందుకు చర్యలు చేపట్టారు. ప్రస్తుతం పరిస్థితి నియంత్రణలోకి వచ్చిందని అధికారులు పేర్కొన్నారు. ఈ ఘటనలో ఎవరైనా గాయపడ్డారా అనే విషయం ఇంకా తెలియాల్సి ఉంది.

అగ్నిప్రమాదానికి గల ఖచ్చితమైన కారణాలు తెలియాల్సి ఉంది. పోలీసులు కేసు నమోదు చేసి దర్యాప్తు చేపట్టారు. మరిన్ని వివరాలు తెలియాల్సి ఉంది.