MG Majestor Launch: “JSW MG మోటార్స్” తన ఫ్లాగ్షిప్ ఎస్యూవీ “MG Majestor”ను అధికారికంగా ఆవిష్కరించింది. ఫిబ్రవరి 12న భారత్లో గ్రాండ్ లాంచ్ జరగనుంది. ఇటీవల “భారత్ మొబిలిటీ ఎక్స్పో”లో ప్రదర్శించినప్పటికీ, ప్రొడక్షన్ వెర్షన్ లుక్ ఇదే మొదటి సారి బయటకు వచ్చింది. “MG Majestor” భారీ బాడీ, రోడ్డు ప్రెజెన్స్తో ఆకట్టుకుంటోంది. ముందు భాగంలో భారీ గ్రిల్, స్ప్లిట్ లైటింగ్ సెటప్, నిటారుగా ఉండే బాడీ లాంగ్వేజ్ ప్రీమియం లుక్ ఇస్తాయి.
కారు రూఫ్ రైల్స్, బాడీ క్లాడింగ్, 19-అంగుళాల అలాయ్ వీల్స్తో ఇంకా పొడవుగా, రియర్లో కనెక్టెడ్ టెయిల్ ల్యాంప్స్, డ్యూయల్ ఎగ్జాస్ట్ అవుట్లెట్లు ప్రీమియం ఫీల్ ఇస్తాయి.
“MG Majestor”లో మూడు వరుసల సీటింగ్, డ్యూయల్ డిజిటల్ స్క్రీన్లు, 360-డిగ్రీ కెమెరా, కనెక్టెడ్ కార్ టెక్నాలజీ ఉన్నాయి. అదనంగా, పనోరమిక్ సన్రూఫ్, పవర్డ్ సీట్లు, ADAS (Advanced Driver Assistance System) ఫీచర్లు కూడా ఉన్నాయి.
ఇందులో 2.0-లీటర్ ట్విన్-టర్బో డీజిల్ ఇంజిన్ 212bhp శక్తి, 478Nm టార్క్ ఉత్పత్తి చేస్తుంది. ఆటోమేటిక్ గేర్బాక్స్తో లభిస్తుంది. “4WD మరియు RWD ఆప్షన్లు” ఉన్నాయి.
‘లాడర్-ఫ్రేమ్ ఛాసిస్’ సాంకేతికతతో ఈ ఎస్యూవీ ఆఫ్-రోడ్ సామర్థ్యంతో కూడా విశేషంగా పనిచేస్తుంది. రాక్, సాండ్, స్నో వంటి డ్రైవింగ్ మోడ్స్ డిఫికల్టు రోడ్లపై ప్రయాణం సులభం చేస్తాయి. ఫిబ్రవరి 12న లాంచ్ ఈవెంట్లో ధరలు, వేరియంట్ల వివరాలు వెల్లడించబడతాయి.
