ఎల్పీజీ గ్యాస్ సిలిండర్ ధరలు సామాన్యుడి బడ్జెట్ను అస్తవ్యస్తం చేస్తున్న నేపథ్యంలో, కోల్కతా వంటి నగరాల్లో వినియోగదారులు ప్రత్యామ్నాయ మార్గాలను అన్వేషిస్తున్నారు. గ్యాస్ ధర వెయ్యి రూపాయలు దాటడంతో నెలకు అయ్యే వంట ఖర్చును తగ్గించుకునేందుకు గృహిణులు గ్యాస్ పొయ్యిని పక్కన పెట్టి ఇండక్షన్ కుక్కర్ల (Induction Cookers) వైపు మళ్లుతున్నారు. గ్యాస్తో పోలిస్తే కరెంటు పొయ్యిపై వంట చేయడం వల్ల ఖర్చు దాదాపు 30 నుంచి 40 శాతం ఆదా అవుతుండటమే ఇందుకు ప్రధాన కారణం. దీంతో ఎలక్ట్రానిక్ మార్కెట్లలో ఇండక్షన్ కుక్కర్లు, ఓవెన్లు, మరియు ఎయిర్ ఫ్రయర్ల అమ్మకాలు ఒక్కసారిగా ఊపందుకున్నాయి. ముఖ్యంగా మధ్యతరగతి కుటుంబాల్లో ఈ మార్పు స్పష్టంగా కనిపిస్తోందని, గత కొన్ని నెలలుగా కిచెన్ ఎలక్ట్రానిక్ వస్తువుల సేల్స్ గణనీయంగా పెరిగాయని విక్రయదారులు వెల్లడిస్తున్నారు.
