విజయనగరం జిల్లా గజపతినగరం మండలం మధుపాడ పంచాయతీ పరిధిలో ఓ ప్రైవేట్ లేఅవుట్ వద్ద కల్వర్టు నిర్మాణం జరుగుతున్నట్టు గుర్తించారు. అయితే ఈ నిర్మాణానికి పంచాయతీ అనుమతులు తీసుకోలేదని గ్రామ సర్పంచ్ కె. పైడుపు నాయుడు పేర్కొన్నారు. దీంతో ఆయన తహసీల్దార్ రత్న కుమార్కు ఫిర్యాదు చేశారు.
ఈ విషయంపై గతంలో కూడా ఫిర్యాదు చేసినప్పుడు అధికారుల జోక్యంతో అప్పట్లో నిర్మించిన కల్వర్టును తొలగించారని సర్పంచ్ తెలిపారు. కానీ ఇప్పుడు మళ్లీ అనుమతి లేకుండా నిర్మాణం జరగడంపై ఆశ్చర్యం వ్యక్తం చేశారు. అసలు అనుమతులు లేకుండా ఇలా ఎలా జరుగుతున్నాయని ప్రశ్నించారు.
ఈ వివాదం తాహసీల్దార్ మరియు సర్పంచ్ మధ్య వాదనకు దారితీసింది. సర్పంచ్ తన అభ్యంతరాలు వ్యక్తం చేస్తుండగా, తహసీల్దార్ స్పందిస్తూ, తన ఆధ్వర్యంలో విచారణ చేపడతానని, ముందుగా అక్కడి నుంచి వెళ్లాలని సూచించారు.
ఈ వివాదం నేపథ్యంలో గ్రామస్థులు కూడా కల్వర్టు నిర్మాణంపై ఆగ్రహం వ్యక్తం చేశారు. పంచాయతీ అభిమతం లేకుండా ప్రైవేట్ లేఅవుట్ అభివృద్ధి పనులు జరపడం తగదని గ్రామ ప్రజలు అభిప్రాయపడ్డారు. తగిన చర్యలు తీసుకోవాలని సంబంధిత అధికారులను కోరుతున్నారు.
