Ugadi 2026 Subha Muhurtham: తెలుగు ప్రజల కొత్త సంవత్సర ఆరంభంగా జరుపుకునే ఉగాది పండుగ 2026లో మార్చి 19న గురువారం రోజు వచ్చింది. ఈ సందర్భంగా శ్రీ పరాభవ నామ సంవత్సరం ప్రారంభమైంది. ఉగాది పండుగ ప్రకృతిలో మార్పులు, కొత్త ఆశలు, సానుకూల ఆలోచనలకు ప్రతీకగా భావిస్తారు.
చాంద్రమానం ప్రకారం చైత్రమాసంతో కొత్త సంవత్సరం మొదలై ఫాల్గుణమాసంతో ముగుస్తుంది. ఈ కాలంలో వసంత ఋతువు ప్రారంభమై ప్రకృతి సోయగాలు మరింత మెరుగు పడతాయి.
ఉగాది రోజున ఆరు రుచుల పచ్చడి ద్వారా జీవనంలోని సుఖదుఃఖాలను స్వీకరించే సంప్రదాయం ఉంది. ఇదే సమయం శుభకార్యాల ప్రారంభానికి కూడా అనుకూలంగా భావించబడుతుంది.
పంచాంగం ప్రకారం 2026లో వివాహాలు, గృహప్రవేశాలు, వ్యాపార ప్రారంభాలకు అనేక శుభముహూర్తాలు ఉన్నాయి. చైత్రమాసంలో మార్చి 27 వ్యాపారానికి, మార్చి 28 ఉపనయనం, గృహారంభానికి అనుకూలం.
వైశాఖమాసంలో ఏప్రిల్ 26, 29 తేదీలు వివాహాలకు శుభదినాలు. మే 1, 3 తేదీలతో పాటు మే 6 నుంచి 11 వరకు అనేక వివాహ ముహూర్తాలు ఉన్నాయి.
జ్యేష్ఠమాసంలో జూన్ 17 నుంచి జూలై 9 వరకు మంచి తేదీలు లభిస్తాయి. శ్రావణమాసంలో ఆగస్టు 15, 16, 20, 22 తేదీలు వివాహాలకు అనుకూలం. కార్తికమాసంలో నవంబర్ 12 నుంచి 22 వరకు మంచి ముహూర్తాలు ఉన్నాయి.
2027లో మాఘమాసం (ఫిబ్రవరి 7–27), ఫాల్గుణమాసం (మార్చి 10–ఏప్రిల్ 2) మధ్య కాలం వివాహాలు, గృహప్రవేశాలు, వ్యాపార ప్రారంభాలకు అత్యంత శుభప్రదంగా పరిగణించబడుతుంది.
