సిద్ధూ జొన్నలగడ్డ, వైష్ణవి చైతన్య జంటగా బొమ్మరిల్లు భాస్కర్ దర్శకత్వంలో రూపొందుతున్న చిత్రం ‘జాక్’. ‘‘కొంచెం క్రాక్’’ అనేది ఈ సినిమాకి ట్యాగ్‌లైన్‌. ఎస్‌వీసీసీ బ్యానర్‌పై బీవీఎస్ఎన్ ప్రసాద్ ఈ చిత్రాన్ని నిర్మిస్తున్నారు. ఇప్పటికే ఈ సినిమా టీజర్, ఓ పాట ప్రేక్షకుల ముందుకు వచ్చాయి.
తాజాగా చిత్ర బృందం ‘‘కిస్’’ సాంగ్‌ను విడుదల చేసింది. ‘‘భాగ్యనగరం అంతా..’’ అంటూ ముద్దు కోసం సాగిన ఈ పాటకు సనారే లిరిక్స్ అందించగా, జావేద్ అలీ, అమల చేబోలు ఆలపించారు. సురేష్ బొబ్బిలి అందించిన సంగీతం ఈ పాటకు ప్రత్యేక ఆకర్షణగా మారింది.
సిద్ధూ, వైష్ణవి కాంబినేషన్, భాస్కర్ దర్శకత్వం అనే క్రేజ్‌తో ఈ సినిమా భారీ అంచనాలను నెలకొల్పుతోంది. టీజర్, తొలి పాటకు మంచి రెస్పాన్స్ రావడంతో తాజా సాంగ్‌పై కూడా భారీ ఆసక్తి నెలకొంది. సినిమాపై అంచనాలు పెరుగుతున్న నేపథ్యంలో మేకర్స్ ప్రమోషన్స్‌ను వేగవంతం చేశారు.
ప్రేమ, వినోదం, యాక్షన్‌ మేళవించిన ఈ చిత్రం ఏప్రిల్ 10న ప్రేక్షకుల ముందుకు రానుంది. సిద్ధూ జొన్నలగడ్డ మరోసారి తన స్టైల్‌లో ఆకట్టుకునే ప్రయత్నం చేస్తున్న ఈ సినిమా, భారీ విజయాన్ని సాధిస్తుందా అన్నది ఆసక్తిగా మారింది.
