Rajamouli’s Best Film: దర్శకధీరుడు ఎస్.ఎస్. రాజమౌళి పేరు వినగానే బాహుబలి, RRR వంటి వెయ్యి కోట్ల బ్లాక్బస్టర్లు గుర్తుకొస్తాయి. అయితే టాలీవుడ్ ప్రముఖ దర్శకుడు గుణశేఖర్(Director Gunasekhar ) అభిప్రాయం మాత్రం భిన్నంగా ఉంది. రాజమౌళి కెరీర్లో ఇప్పటికీ ‘ఈగ’ నే బెస్ట్ సినిమా అని ఆయన ఆసక్తికర వ్యాఖ్యలు చేశారు.
ఇటీవల తన కొత్త చిత్రం ‘యుఫోరియా’ ప్రమోషన్లలో పాల్గొన్న గుణశేఖర్, రాజమౌళి క్రియేటివిటీని ప్రత్యేకంగా ప్రశంసించారు. ‘కంటికి సరిగ్గా కనిపించని ఒక ఈగను హీరోగా తీసుకుని, CGI సహాయంతో దాని చుట్టూ బలమైన ఎమోషన్ పండించడం సాధారణ విషయం కాదు. గ్రిప్పింగ్ స్క్రీన్ప్లే, అద్భుతమైన మేకింగ్తో రాజమౌళి ఈగలో నిజమైన మ్యాజిక్ చేశారు’ అని ఆయన అన్నారు.
రాజమౌళి కెరీర్ను ‘ఈగ’కి ముందు, ఆ తర్వాత అని విభజించవచ్చని గుణశేఖర్ అభిప్రాయపడ్డారు. గ్లోబల్ స్థాయిలో భారీ విజయాలు సాధించినప్పటికీ, ఒక టెక్నీషియన్గా రాజమౌళి విజన్కు ‘ఈగ’ ఒక బెంచ్మార్క్ అని తెలిపారు. గ్రాఫిక్ క్యారెక్టర్తో ప్రేక్షకులను భావోద్వేగంగా కట్టిపడేసిన విధానం ఆయన క్రియేటివిటీకి నిదర్శనమని ప్రశంసించారు.
ప్రస్తుతం గుణశేఖర్ చేసిన ఈ వ్యాఖ్యలు సోషల్ మీడియాలో వైరల్గా మారాయి. రాజమౌళి అభిమానులు కూడా ‘ఈగ’ నిజంగా ఒక మాస్టర్పీస్ అంటూ గర్వంగా చెప్పుకుంటున్నారు.
ALSO READ:IND vs NZ 4TH T20 | భారత నంబర్-1 స్పిన్నర్ వరుణ్ పక్కన పెట్టొద్దు:రహానే
