Gaddar Film Awards 2026: హైదరాబాద్లో గద్దర్ సినీ అవార్డ్స్ వేడుకలు జ్యోతి ప్రజ్వలనతో ఘనంగా ప్రారంభమయ్యాయి. ఉగాది పర్వదినాన్ని పురస్కరించుకుని హైటెక్స్ కన్వెన్షన్ సెంటర్లో నిర్వహిస్తున్న ఈ కార్యక్రమానికి ప్రముఖులు హాజరై ప్రత్యేక ఆకర్షణగా నిలిచారు.
ఉప ముఖ్యమంత్రి భట్టి విక్రమార్క, మంత్రి జూపల్లి, ప్రముఖ నటుడు చిరంజీవి తదితరులు కలిసి జ్యోతి ప్రజ్వలన చేసి అవార్డ్స్ కార్యక్రమానికి శ్రీకారం చుట్టారు. ఈ సందర్భంగా సభ ప్రాంగణం ఉత్సాహభరిత వాతావరణంతో కళకళలాడింది.
తెలంగాణ సినీ రంగంలో ప్రతిభ కనబరిచిన కళాకారులను గౌరవించే లక్ష్యంతో నిర్వహిస్తున్న గద్దర్ సినీ అవార్డ్స్ కార్యక్రమం, రాష్ట్ర సాంస్కృతిక ప్రతిష్టను మరింత పెంచుతోంది. ఈ వేడుకకు సినీ ప్రముఖులు, అభిమానులు భారీగా తరలివచ్చి సందడి చేశారు.
