మాజీ ప్రధాని హెచ్.డి. దేవెగౌడను బీజేపీ లోక్‌సభ సభ్యుడు తేజస్వీ సూర్య ప్రశంసించారు. వక్ఫ్ సవరణ బిల్లుపై 17 గంటలకు పైగా చర్చ జరుగగా, 91 ఏళ్ల దేవెగౌడ ఉత్సాహంగా పాల్గొనడం ప్రతి ఒక్కరికీ స్ఫూర్తిదాయకమని ఆయన పేర్కొన్నారు. ఈ మేరకు ‘ఎక్స్’ వేదికగా ఓ పోస్ట్ చేశారు. వక్ఫ్ (సవరణ) బిల్లు – 2025 పార్లమెంటులో ఆమోదం పొందింది.
ఈ బిల్లుపై రాజ్యసభలో జరిగిన విస్తృత చర్చలో దేవెగౌడ కీలక వ్యాఖ్యలు చేశారు. వయసు మీదపడినప్పటికీ ప్రజాసమస్యలపై చురుకుగా చర్చకు హాజరై, తన అనుభవాలను పంచుకోవడం అభినందనీయమని తేజస్వీ సూర్య తెలిపారు. ప్రజాప్రతినిధులు తమ బాధ్యతను మరచిపోవద్దని ఆయన సూచించారు.
అలాగే, ప్రజాప్రతినిధులుగా ఎన్నికైన వారిలో కొంతమంది సభకు హాజరుకాకుండా తప్పించుకుంటారని, మరికొందరు సమావేశాలకు అంతరాయం కలిగించి గందరగోళం సృష్టిస్తున్నారని తేజస్వీ సూర్య విమర్శించారు. వారి అంతస్తులను ప్రజలే తీర్చాలని అన్నారు. సభలో అనుసరించాల్సిన నిజమైన తీరు దేవెగౌడ ద్వారా తెలియజేయాల్సిన అవసరం ఉందని చెప్పారు.
91 ఏళ్ల వయసులోనూ పార్లమెంటు చర్చల్లో దేవెగౌడ చూపిన చురుకుదనం కొత్త తరానికి ఆదర్శంగా నిలవాలని తేజస్వీ సూర్య ఆకాంక్షించారు. రాజకీయ నాయకులు ప్రజాసంక్షేమం కోసం విధిగా సమావేశాలకు హాజరై చర్చల్లో పాల్గొనాలన్నారు. దేవెగౌడ వంటి నేతలు నిజమైన ప్రజా ప్రతినిధులని ప్రశంసించారు.
