Fauji | ప్రభాస్ ‘ఫౌజీ’ దసరా టార్గెట్.. రిలీజ్‌పై మేకర్స్ బిగ్ అప్డేట్ !

Fauji: రెబల్ స్టార్ ప్రభాస్ (Prabhas) ప్రస్తుతం వరుస ప్రాజెక్టులతో ఫుల్ బిజీగా ఉన్నాడు. బ్యాక్ టు బ్యాక్ సినిమాలతో బాక్సాఫీస్‌ను షేక్ చేయడానికి సిద్ధమవుతున్న ఈ స్టార్ హీరో, ఇప్పుడు ఫౌజీ(Fauji) అనే హిస్టారికల్ వార్ డ్రామాతో ప్రేక్షకుల ముందుకు రానున్నాడు.

హను రాఘవపూడి (Hanu Raghavapudi) దర్శకత్వంలో రూపొందుతున్న ఈ చిత్రంపై ఇప్పటికే భారీ అంచనాలు నెలకొన్నాయి. మొదట ఈ సినిమాను దసరా కానుకగా విడుదల చేయాలని మేకర్స్ ప్లాన్ చేసినప్పటికీ, షూటింగ్ ఆలస్యం కారణంగా పోస్ట్‌పోన్ అవుతుందనే వార్తలు వినిపించాయి. అయితే తాజా సమాచారం ప్రకారం, ఎలాంటి పరిస్థితుల్లోనైనా 2026 విజయదశమి సందర్భంగా సినిమాను విడుదల చేయాలని నిర్మాతలు కట్టుబడి ఉన్నారు.

దసరా సీజన్ టాలీవుడ్‌కు గోల్డెన్ పీరియడ్‌గా భావించబడుతుంది. ఈ సమయాన్ని టార్గెట్ చేస్తూ మేకర్స్ పోస్ట్ ప్రొడక్షన్ పనులను వేగవంతం చేస్తున్నారు. ప్రస్తుతం షూటింగ్ శరవేగంగా కొనసాగుతోంది. మైత్రీ మూవీ మేకర్స్ సంస్థ, దర్శకుడు హను రాఘవపూడిపై పూర్తి నమ్మకంతో ఆయనకు పూర్తి స్వేచ్ఛను ఇచ్చినట్లు సమాచారం. టెక్నికల్ స్టాండర్డ్స్ విషయంలో ఎక్కడా రాజీ పడకుండా, హై క్వాలిటీ అవుట్‌పుట్ ఇవ్వడమే లక్ష్యంగా టీమ్ పనిచేస్తోంది.

అన్నీ అనుకున్నట్లు జరిగితే జూలై లేదా ఆగస్టు నాటికి షూటింగ్ పూర్తి చేసేలా ప్లాన్ చేస్తున్నారు. ఈ చిత్రంతో ఇమాన్వీ హీరోయిన్‌గా టాలీవుడ్‌లోకి ఎంట్రీ ఇస్తోంది. మొత్తం మీద, ఈ సినిమా ద్వారా ప్రభాస్ మరోసారి పాన్ ఇండియా స్థాయిలో సంచలనం సృష్టించే అవకాశాలు కనిపిస్తున్నాయి.