Tecno Pova Curve 2: టెక్నో భారత మార్కెట్లో తన కొత్త స్మార్ట్ఫోన్ “Tecno Pova Curve 2” ను త్వరలో లాంచ్ చేయనున్నట్లు అధికారికంగా ధృవీకరించింది. లాంచ్ తేదీని ఇంకా ప్రకటించకపోయినా, ఇప్పటికే విడుదలైన టీజర్లు, సర్టిఫికేషన్ లిస్టింగ్స్ ద్వారా ఈ ఫోన్ డిజైన్, హార్డ్వేర్కు సంబంధించిన కీలక వివరాలు వెలుగులోకి వచ్చాయి.
మే 2025లో వచ్చిన Tecno Pova Curve 5Gకి ఇది సక్సెసర్గా రానుండగా, అదే కర్వ్డ్ డిజైన్ను మరింత ప్రీమియంగా తీసుకురానున్నట్లు తెలుస్తోంది.
X (ట్విట్టర్)లో టెక్నో విడుదల చేసిన టీజర్ ప్రకారం, ఈ ఫోన్ భారత్లో తప్పకుండా లాంచ్ కానుంది. టీజర్లో కర్వ్డ్ ఎడ్జ్లతో కూడిన డిజైన్ స్పష్టంగా కనిపిస్తోంది. వెనుక భాగంలో వృత్తాకార కెమెరా మాడ్యూల్ ఉండే అవకాశం ఉందని టెక్ వర్గాలు చెబుతున్నాయి.
గూగుల్ ప్లే కన్సోల్ లిస్టింగ్ ప్రకారం, Tecno Pova Curve 2 మోడల్ నంబర్ “TECNO-LK7k”గా నమోదైంది. ఇందులో “MediaTek Dimensity 7100 SoC”, “12GB వరకు RAM”, “Android 16” ఆపరేటింగ్ సిస్టమ్ ఉండనున్నాయి. 1080 × 2364 పిక్సెల్ రిజల్యూషన్తో ఫుల్ హెచ్డీ+ డిస్ప్లే అందనుంది.
TUV సర్టిఫికేషన్ లిస్టింగ్ ప్రకారం, ఈ ఫోన్లో 7,750mAh సామర్థ్యం గల భారీ బ్యాటరీ ఉండే అవకాశం ఉందని తెలుస్తోంది. ఈ ఫీచర్లతో మిడ్-రేంజ్ సెగ్మెంట్లో ఈ ఫోన్ మంచి పోటీ ఇస్తుందని నిపుణులు అంచనా వేస్తున్నారు.
also read:Varanasi Release Date | వారణాసి రిలీజ్ డేట్ ఫిక్స్.. 2027 ఏప్రిల్ 7న సినిమా విడుదల
