తెలంగాణ, ఆంధ్రప్రదేశ్ రాష్ట్రాలు చలి గుప్పిట్లోకి చేరాయి. వాతావరణ శాఖ ప్రకారం, వచ్చే రెండు రోజుల పాటు చలి తీవ్రత మరింత పెరగనుందని అధికారుల సూచన. ప్రజలు ప్రత్యేక జాగ్రత్తలు తీసుకోవాలని హితవు పలికారు.
చిన్నారులు, గర్భిణీలు, వృద్ధులు మంకీ క్యాప్లు, చలి కోట్లు, జెర్కిన్స్ తప్పనిసరిగా ధరించాలని సూచించారు. చలి తీవ్రత కారణంగా ఆరోగ్య సమస్యలు తలెత్తే అవకాశం ఉండటంతో ప్రజలు మరింత అప్రమత్తంగా ఉండాలని చెప్పారు.
ఉదయం వేళల్లో చలి తీవ్రత ఎక్కువగా ఉంటుందని, అవసరం లేకుండా ఇంటి బయటకు వెళ్లొద్దని కోరారు. ముఖ్యంగా పశ్చిమ తెలంగాణ, ఉత్తర ఆంధ్ర ప్రాంతాల్లో చలి ప్రభావం ఎక్కువగా ఉంటుందని అంచనా.
చలి నుంచి రక్షణ కోసం వేడి నీటితో స్నానం చేయాలని, ఆహారంలో పోషకాలు ఎక్కువగా తీసుకోవాలని వైద్య నిపుణులు సూచిస్తున్నారు. వీటి ద్వారా చలి ప్రభావాన్ని తగ్గించుకోవచ్చని ప్రజల్ని వారు బోధిస్తున్నారు.
