ICC ODI Rankings: అంతర్జాతీయ క్రికెట్ మండలి (ICC) తాజాగా ప్రకటించిన వన్డే ర్యాంకింగ్స్లో టీమ్ ఇండియా మరోసారి తన దూకుడును చాటుతూ ప్రపంచ క్రికెట్లో తన ఆధిపత్యాన్ని స్పష్టంగా చూపించింది. ప్రపంచ టాప్-5 బ్యాటర్ల జాబితాలో ఏకంగా ముగ్గురు భారత ఆటగాళ్లు చోటు దక్కించుకోవడం విశేషం. న్యూజిలాండ్ స్టార్ బ్యాటర్ డారిల్ మిచెల్ అగ్రస్థానంలో నిలిచినా, భారత స్టార్ ఆటగాళ్లు తమ స్థిరమైన ప్రదర్శనతో అగ్రస్థానాలను దక్కించుకున్నారు.
భారత బ్యాటింగ్ దిగ్గజం కింగ్ కోహ్లీ రెండో స్థానంలో కొనసాగుతుండగా, మాజీ కెప్టెన్ రోహిత్ శర్మ(HIT MAN) నాలుగో ర్యాంకులో నిలిచారు. యువ సంచలనం శుభ్మన్ గిల్ ఐదో స్థానాన్ని దక్కించుకుని తన ప్రతిభను మరోసారి చాటుకున్నాడు. అఫ్గానిస్థాన్ ఆటగాడు ఇబ్రహీం జద్రాన్ మూడో స్థానంలో నిలవడం గమనార్హం.
ఇక బౌలింగ్ విభాగంలో కూడా భారత్ తన ముద్ర వేసింది. చైనామన్ స్పిన్నర్ కుల్దీప్ యాదవ్ టాప్-10లో చోటు సంపాదించి తొమ్మిదో ర్యాంకులో నిలిచాడు. అఫ్గానిస్థాన్ స్పిన్ మాంత్రికుడు రషీద్ ఖాన్ బౌలింగ్లో నంబర్ వన్ స్థానాన్ని కొనసాగిస్తున్నాడు.
టీ20 ప్రపంచకప్ అనంతరం టీమ్ ఇండియా వన్డే మ్యాచ్లు ఆడకపోయినా, గత ప్రదర్శనల ఆధారంగా భారత ఆటగాళ్ల ర్యాంకులు స్థిరంగా ఉన్నాయి. ఇది వారి స్థిరమైన ఫామ్ను స్పష్టంగా తెలియజేస్తోంది. మొత్తం మీద ICC ర్యాంకింగ్స్లో భారత్ ఆధిపత్యం కొనసాగుతుండటం అభిమానుల్లో ఆనందాన్ని కలిగిస్తోంది.
- Advertisement -
- Advertisment -
Must Read
Danam Nagender | హైకోర్టులో ఎమ్మెల్యే దానం పార్టీ ఫిరాయింపు కేసు…స్పీకర్ నిర్ణయానికి సవాల్
Danam Nagender: ఖైరతాబాద్ ఎమ్మెల్యే దానం నాగేందర్ అనర్హత వివాదం ఇప్పుడు తెలంగాణ హైకోర్టు వరకు చేరడంతో రాష్ట్ర రాజకీయాల్లో మరోసారి ఉత్కంఠ నెలకొంది. దానం నాగేందర్ పార్టీ మారలేదని తెలంగాణ అసెంబ్లీ...
- Advertisement -
