నందలూరు మండలం నాగిరెడ్డిపల్లి మేజర్ పంచాయతీ, అరవపల్లి క్రీడా మైదానంలో వాకర్స్ క్లబ్ ఆధ్వర్యంలో శుభ్రీకరణ కార్యక్రమం నిర్వహించారు. మైదానంలో ఉన్నటువంటి పిచ్చిమొక్కలు, ముళ్ల పొదలు తొలగించి, క్రీడాకారులకు మరియు పాదచారులకు సౌకర్యంగా మార్చే పనులు చేపట్టారు. ఈ కార్యక్రమానికి వాకర్స్ క్లబ్ ప్రెసిడెంట్ మోడపోతుల రాము సహకారం అందించారు.
ఉపాధి హామీ కార్మికుల సహాయంతో మైదానాన్ని పూర్తిగా శుభ్రం చేశారు. వాకర్స్ ఇంటర్నేషనల్ క్యాబినెట్ డైరెక్టర్లు మన్నెం రామమోహన్, కుర్రా మణి యాదవ్, క్లబ్ సెక్రటరీ ఉప్పుశెట్టి సుధీర్ ఈ కార్యక్రమంలో పాల్గొన్నారు. క్రీడాకారుల అభివృద్ధికి సహాయపడే ఈ కార్యక్రమంపై పాల్గొన్న ప్రతి ఒక్కరూ హర్షం వ్యక్తం చేశారు.
వాకర్స్ క్లబ్ గురు ప్రసాద్, గంధం గంగాధర్, సోమిశెట్టి ప్రభాకర్, మంటి మారయ్య, జంగం శెట్టి హరి, కృష్ణ, సునీల్ రెడ్డి తదితరులు మైదానం శుభ్రపరిచే పనిలో సహాయంగా ఉన్నారు. మైదానాన్ని స్వచ్ఛంగా ఉంచడం ద్వారా పాదచారులు, క్రీడాకారులకు ఉపయోగకరమైన వాతావరణం అందించవచ్చని వారు అభిప్రాయపడ్డారు.
ఈ కార్యక్రమంలో నరసింహ శెట్టి, సుబ్బారెడ్డి, ఆండ్రూస్, హేమంత్ తదితరులు పాల్గొన్నారు. మైదానం శుభ్రత భవిష్యత్తులో కూడా కొనసాగించేందుకు చర్యలు తీసుకోవాలని సభ్యులు సూచించారు. క్రీడల ప్రోత్సాహానికి, ప్రజల ఆరోగ్యానికి ఇది సహాయపడుతుందని నిర్వాహకులు తెలిపారు.
