AI Air Conditioner: భారతీయ మార్కెట్ అవసరాలను దృష్టిలో ఉంచుకుని శాంసంగ్ 2026 మోడల్కు చెందిన “Samsung Bespoke AI WindFree ఎయిర్ కండిషనర్ సిరీస్ను” అధికారికంగా ఆవిష్కరించింది. వినియోగదారుల అవసరాలు, వాతావరణ పరిస్థితులను దృష్టిలో ఉంచుకుని రూపొందించిన ఈ సిరీస్లో మొత్తం 23 మోడళ్లను ప్రవేశపెట్టింది.
ముఖ్యంగా తొలిసారి ఈ లైనప్లో 4-స్టార్ రేటింగ్ కలిగిన ఏసీలను కూడా చేర్చడం విశేషం. అధునాతన AI ఆధారిత కూలింగ్ టెక్నాలజీ, ప్రీమియం డిజైన్, స్మార్ట్ కనెక్టివిటీతో రూపొందిన ఈ ఏసీలు గది ఉష్ణోగ్రత, తేమ స్థాయి, వినియోగదారుల వినియోగ అలవాట్లను విశ్లేషించి ఆటోమేటిక్గా కూలింగ్ను సర్దుబాటు చేస్తాయి.
అవసరమైనప్పుడు AI ఫాస్ట్ కూలింగ్ ద్వారా గదిని వేగంగా చల్లబరుస్తూ, కావలసిన ఉష్ణోగ్రత చేరుకున్న తర్వాత విండ్ఫ్రీ లేదా డ్రై కంఫర్ట్ మోడ్కు మారి నేరుగా గాలి తగలకుండా సమతుల్య కూలింగ్ను అందిస్తాయి.
అలాగే ఇందులోని AI ఎనర్జీ మోడ్ ద్వారా 30 శాతం వరకు విద్యుత్ ఆదా చేయవచ్చని శాంసంగ్ వెల్లడించింది. వినియోగ విధానాలను బట్టి కంప్రెసర్ పనితీరు, ఉష్ణోగ్రత సెట్టింగ్లను స్వయంచాలకంగా నియంత్రించడంతో పాటు, తేమ ఎక్కువగా ఉండే ప్రాంతాలకు అనువైన డ్రై కంఫర్ట్ టెక్నాలజీ కూడా అందుబాటులో ఉంది.
ఈ ఏసీల ధరలు రూ.32,490 నుంచి ప్రారంభమవుతుండగా, దేశవ్యాప్తంగా రిటైల్ స్టోర్లు, Flipkart, Amazon, Samsung అధికారిక వెబ్సైట్లో కొనుగోలుకు లభ్యమవుతాయి. వినియోగదారులకు భరోసాగా 5 ఏళ్ల సమగ్ర వారంటీతో పాటు ఇన్వర్టర్ కంప్రెసర్పై 10 ఏళ్ల వారంటీని శాంసంగ్ అందిస్తోంది.
ALSO READ:Municipal Elections: సీఎం రేవంత్ పార్టీ వ్యూహాలపై సుదీర్ఘ సమీక్ష
