కర్ణాటక ముఖ్య నగరమైన బెంగళూరులో ట్రాఫిక్ సమస్యను పరిష్కరించేందుకు ‘రద్దీ పన్ను’ విధించనున్నారనే వార్తలు గత కొన్ని రోజులుగా ప్రజలలో సంచలనం సృష్టించాయి. అంతకుముందే ఈ వార్తలను పూర్తిగా ఖండిస్తూ, కర్ణాటక ఉప ముఖ్యమంత్రి డీకే శివకుమార్ స్పష్టత ఇచ్చారు.
డీకే మాట్లాడుతూ, “ఒంటరిగా కార్లలో ప్రయాణించే వారిపై పన్ను విధించాలనే ఆలోచన మా ప్రభుత్వ పరిశీలనలో లేదు. ఈ ప్రతిపాదనలు కొంతమందిచే సూచించబడుతున్నవి కానీ, ప్రస్తుతం మా స్థాయికి దాటి ఏ నిర్ణయం తీసుకోలేదు” అని వెల్లడించారు.
అత్యధిక రద్దీ సమస్యను తగ్గించడానికి కొందరు పారిశ్రామికవేత్తలు, పౌరులు స్వచ్ఛందంగా సూచనలు చేస్తున్నారని, వాటిని పరిశీలిస్తామని ఆయన పేర్కొన్నారు. కానీ ప్రభుత్వం అలాంటి పన్ను విధించడంలో లేదని తేల్చి చెప్పడం జరిగింది.
ఈ నేపథ్యంలో, ఈ ప్రతిపాదనపై బీజేపీ ప్రతిపక్షం తీవ్ర విమర్శలు చేశారు. ముఖ్యంగా బీజేపీ నేత ఆర్. అశోక ఈ ప్రతిపాదనను “తుగ్లక్ చర్య”గా, అనర్థకంగా విమర్శించారు. ఆయన పేర్కొన్నారు, “ముందుగా రోడ్లు బాగుచేస్తే రద్దీ తక్కువ అవుతుంది. పన్నులు వేయడం వల్ల సమస్యలు పరిష్కారమవవు. ముఖ్యమంత్రులు కూడా ఒంటరిగా కార్లలో తిరుగుతారు, వారిపై ఎంత పన్ను వేస్తారు?” అంటూ ప్రభుత్వ విధానంపై గట్టి ప్రశ్నలు వేసారు.
డీకే శివకుమార్ బీజేపీ విమర్శలను తిప్పికొట్టి, “ఇలాంటి పన్నుల ఆలోచనలు బీజేపీకు చెందినవే. ఇది కేంద్ర ప్రభుత్వ ఆలోచన కావచ్చు, కానీ మా ప్రభుత్వం అలాంటి విధానం తీసుకోలేదు” అని స్పష్టం చేశారు.
ప్రస్తుతం బెంగళూరు రద్దీ సమస్యను ఎలా పరిష్కరించాలి అనే దిశగా వివిధ సలహాలు వస్తున్నప్పటికీ, ఒంటరిగా ప్రయాణించే కార్లపై పన్ను విధించేందుకు ప్రభుత్వం ఎలాంటి నిర్ణయాన్ని తీసుకోలేదు.
