తడ హరిజనవాడలో జనావాసాల మధ్య పనిచేస్తున్న మద్యం దుకాణాన్ని గ్రామానికి దూర ప్రాంతానికి తరలించాలని స్థానికులు డిమాండ్ చేస్తున్నారు. ఈ మేరకు జిల్లా కలెక్టర్ కార్యాలయంలో డిప్యూటీ కలెక్టర్కు వినతిపత్రం అందజేశారు. మద్యం షాపు మూలంగా యువత, పిల్లలు ప్రభావితమవుతారని ప్రజలు ఆందోళన వ్యక్తం చేశారు.
స్థానిక నాయకుడు పామంజి ప్రసాద్ మాట్లాడుతూ, దీనిపై పలుమార్లు అధికారులకు సమాచారం ఇచ్చినా ఇప్పటికీ స్పందన లేకపోయిందని ఆరోపించారు. మద్యం షాపుల ప్రభావం వల్ల యువత మద్యం వైపు ఆకర్షితులై భవిష్యత్తును దెబ్బతింటారని పేర్కొన్నారు. గ్రామ శాంతి భద్రతకు మద్యం షాపులు హానికరమని తెలిపారు.
గ్రామస్తులు మద్యం షాపు గ్రామానికి దూరంగా ఉండేలా చర్యలు తీసుకోవాలని డిమాండ్ చేశారు. మద్యం షాపుల కారణంగా కుటుంబాల్లో కలహాలు పెరిగే ప్రమాదం ఉందని పేర్కొన్నారు. మహిళలు, పెద్దలు ఈ సమస్యపై తీవ్ర ఆందోళన వ్యక్తం చేస్తూ, ప్రభుత్వం వెంటనే దుకాణాన్ని తరలించాలని కోరారు.
ఈ కార్యక్రమంలో మల్చిరవి, మునిరాజ, దేవకుమార్ మునిరాజ, మహేష్, వెంకటేష్, పామంజి ప్రసాద్ తదితరులు పాల్గొన్నారు. అధికారులు త్వరగా స్పందించి, సమస్యను పరిష్కరిస్తారని గ్రామస్థులు ఆశాభావం వ్యక్తం చేశారు.
