సంగారెడ్డి జిల్లాలోని జైలులో ఉన్న లంకచర్ల బాధితులను పరామర్శించేందుకు జాతీయ ఎస్టీ కమిషన్ సభ్యుడు జాట్రోత్ హుస్సేన్ నాయక్ ఆకస్మిక పర్యటన నిర్వహించారు. ఈ సందర్శనలో గిరిజనుల సమస్యలను సమీక్షించి, వారి కష్టాలను పరిశీలించారు.
జైలు వద్ద జాతీయ ఎస్టీ కమిషన్ సభ్యుడిని సంగారెడ్డి గిరిజన సంఘం నాయకులు జైపాల్ నాయక్ మరియు పూల్ సింగ్ నాయక్ కలుసుకున్నారు. గిరిజనులపై అక్రమంగా నమోదైన కేసులను రద్దు చేయాలని వారు కోరారు. వారి పట్ల సానుకూలంగా స్పందించిన హుస్సేన్ నాయక్, సమస్యలను కమిషన్ పరిధిలో పరిష్కరించేందుకు కృషి చేస్తామని హామీ ఇచ్చారు.
గిరిజనులపై జరిగిన అన్యాయాలను వివరించిన గిరిజన సంఘం నాయకులు, కమిషన్ ఈ విషయంలో తక్షణ చర్యలు తీసుకోవాలని విజ్ఞప్తి చేశారు. ఎస్టీ కమిషన్ గిరిజనుల హక్కుల రక్షణకు పూర్తిగా వంతు నివ్వాలని, తమకు న్యాయం జరిగేలా చూడాలని కోరారు.
జాతీయ ఎస్టీ కమిషన్ సభ్యుడి పర్యటన గిరిజనుల్లో కొత్త ఆశలు రేకెత్తించింది. గిరిజనుల హక్కులను కాపాడేందుకు కమిషన్ నిరంతరం పాటుపడుతుందన్న నమ్మకం కలిగింది.
