Avengers Doomsday | భారత్‌లో అవెంజర్స్ డూమ్స్‌డే మేనియా.. అడ్వాన్స్ బుకింగ్స్ షురూ!

Avengers Doomsday Advance Booking

Avengers Doomsday: సూపర్ హీరోల ప్రపంచంలో మరోసారి యుద్ధభేరి మోగనుంది. మార్వెల్ అభిమానులు ఎప్పుడెప్పుడా అని ఎదురుచూస్తున్న ప్రతిష్టాత్మక చిత్రం ‘అవెంజర్స్: డూమ్స్‌డే’ విడుదలకు ముందే సంచలనం సృష్టిస్తోంది. ఇప్పటికే ప్రపంచవ్యాప్తంగా భారీ హైప్ సంపాదించుకున్న ఈ సినిమా ఇప్పుడు భారతీయ బాక్సాఫీస్‌పై కూడా తన ప్రభావాన్ని చూపించడం ప్రారంభించింది. తాజాగా ఈ మూవీకి సంబంధించిన అడ్వాన్స్ టికెట్ బుకింగ్స్ భారత్‌లో అధికారికంగా అందుబాటులోకి వచ్చాయి. సోషల్ మీడియాలో అభిమానులు పెద్ద ఎత్తున నిర్వహించిన #OpenDoomsdayBookings ప్రచారానికి మార్వెల్ స్టూడియోస్ స్పందించింది. దీంతో టికెట్ విక్రయాలు ప్రారంభమయ్యాయి. బుకింగ్స్ మొదలైన కొద్దిసేపటికే ప్రేక్షకుల నుంచి అనూహ్యమైన స్పందన వచ్చినట్లు సమాచారం. ముఖ్యంగా ముంబై, బెంగళూరు, ఢిల్లీ, హైదరాబాద్, కొచ్చి వంటి ప్రధాన నగరాల్లో టికెట్లకు డిమాండ్ పెరుగుతోంది. తొలి రోజు తొలి షో చూడాలనే ఉత్సాహంతో అభిమానులు ముందుగానే తమ సీట్లను రిజర్వ్ చేసుకుంటున్నారు.

ఇక ఈ సినిమా క్రేజ్‌కు మరో నిదర్శనం అడ్వాన్స్ టికెట్ అమ్మకాల గణాంకాలు. ప్రపంచవ్యాప్తంగా ప్రీ-సేల్ టికెట్ విక్రయాలు 150 మిలియన్ డాలర్ల మార్కును దాటినట్లు సమాచారం. మరోవైపు విడుదలైన తొలి ట్రైలర్ కూడా రికార్డుల వేట కొనసాగించింది. కేవలం 24 గంటల్లోనే 503 మిలియన్ల వ్యూస్ సాధించి, ప్రపంచవ్యాప్తంగా అత్యధిక వీక్షణలు పొందిన మూవీ ట్రైలర్లలో రెండో స్థానాన్ని దక్కించుకున్నట్లు తెలుస్తోంది. భారతీయ ప్రేక్షకులకు ఈ సినిమా విషయంలో మరో ప్రత్యేకత కూడా ఉంది. అమెరికా విడుదలకు ఒక రోజు ముందుగానే ఇండియాలో ఈ చిత్రం ప్రేక్షకుల ముందుకు రానుంది. డిసెంబర్ 17న ప్రపంచవ్యాప్తంగా థియేటర్లలో విడుదల కానున్న ఈ సినిమాను ఇంగ్లీష్, హిందీ, తమిళం, తెలుగు భాషల్లో వీక్షించవచ్చు. ప్రీమియం ఫార్మాట్లలోనూ సినిమాను అందుబాటులోకి తీసుకురానున్నారు. మొత్తానికి, విడుదలకు ముందే రికార్డులపై కన్నేసిన ‘అవెంజర్స్: డూమ్స్‌డే’ బాక్సాఫీస్ వద్ద ఎలాంటి ప్రభంజనం సృష్టిస్తుందోనన్న ఆసక్తి నెలకొంది. సూపర్ హీరోల భారీ యాక్షన్ పోరాటాన్ని వెండితెరపై ఆస్వాదించాలనుకునే అభిమానులు అడ్వాన్స్ బుకింగ్స్ ద్వారా తమ టికెట్లను ముందుగానే రిజర్వ్ చేసుకోవచ్చు. మరి ఈ మార్వెల్ మూవీ ఇండియాలో ఎలాంటి కొత్త రికార్డులు సృష్టిస్తుందో చూడాలి!

Related posts

Urvashi Sarada Biography | కన్న తండ్రి మాట వినలేదు.. నిజజీవితంలో ఎన్నో కష్టాలు.. మహానటి ఊర్వశి శారద కన్నీటి కథ!

Rajigadu Rajayyadu | ఆసక్తి రేపుతున్న ‘రాజిగాడు రాజయ్యాడు’.. టైటిల్, ఫస్ట్ లుక్ విడుదల

Teja Sajja Engagement | తేజ సజ్జా నిశ్చితార్థానికి హాజరైన సినీ, రాజకీయ ప్రముఖులు

This website uses cookies to improve your experience. We'll assume you're ok with this, but you can opt-out if you wish. Read More