ప్రముఖ దర్శకుడు రాంగోపాల్ వర్మ చెక్ బౌన్స్ కేసులో చిక్కుల్లో పడ్డారు. 2018లో ఓ కంపెనీ తనకు ఇచ్చిన చెక్కు బ్యాంకులో చెల్లకపోవడంతో వర్మపై న్యాయపరమైన చర్యలు తీసుకున్నారు. తాజాగా, ముంబైలోని అంధేరీ జ్యుడీషియల్ మేజిస్ట్రేట్ కోర్టు వర్మకు మూడు నెలల జైలు శిక్ష విధిస్తూ తీర్పు ఇచ్చింది. అలాగే, ఫిర్యాదుదారుడికి రూ.3,72,219 చెల్లించాలని ఆదేశించింది.
వర్మ ఈ తీర్పును సెషన్స్ కోర్టులో సవాలు చేశారు. అయితే, విచారణ అనంతరం కోర్టు ఆయన అప్పీల్ను తిరస్కరించింది. న్యాయస్థానం తీర్పును సవాలు చేసినప్పటికీ, తనపై విధించిన శిక్షను రద్దు చేయాలన్న వర్మ అభ్యర్థనను కోర్టు తోసిపుచ్చింది. దీంతో, ముంబై కోర్టు నాన్ బెయిలబుల్ అరెస్ట్ వారెంట్ జారీ చేసింది.
కోర్టు తీర్పు ప్రకారం, వర్మ వెంటనే కోర్టుకు హాజరై బెయిల్ కోసం దరఖాస్తు చేసుకోవాల్సి ఉంటుంది. లేనిపక్షంలో, అరెస్ట్ చేసి శిక్షను అమలు చేసే అవకాశముంది. ప్రస్తుతం వర్మ ఈ కేసుకు సంబంధించి తదుపరి చట్టపరమైన చర్యలు తీసుకునే అవకాశముంది.
చెక్ బౌన్స్ కేసులపై భారత నిబంధనల ప్రకారం కఠినమైన చర్యలు తీసుకునే అవకాశముంది. వర్మపై జారీ చేసిన అరెస్ట్ వారెంట్, సినీ పరిశ్రమలో చర్చనీయాంశమైంది. ఈ వివాదం వర్మ భవిష్యత్ ప్రాజెక్టులపై ఎలా ప్రభావం చూపుతుందో చూడాలి.
