నేషనల్ క్రష్ రష్మిక మందన్న ఏప్రిల్ 5న తన 29వ పుట్టినరోజును ఒమన్‌లో జరుపుకున్నారు. ఆమె అక్కడ దిగిన ఫొటోలను ఇన్‌స్టాగ్రామ్‌ వేదికగా షేర్ చేయగా, నెటిజన్లు వెంటనే “విజయ్ దేవరకొండ ఎక్కడ?” అని కామెంట్ల వర్షం కురిపించారు. అప్పటికే రెండు రోజుల కిందట విజయ్ తన ఒమన్ ట్రిప్ ఫొటోలను షేర్ చేయడంతో, అభిమానులు ఇద్దరూ ఒకే చోట ఉన్నారని అనుమానించారు.
వీరిద్దరూ వేర్వేరు తేదీల్లో ముంబయి నుంచి ఒమన్‌కి వెళ్లినట్లు తెలిసింది. విజయ్ దేవరకొండ ఒక రోజు ముందు బయలుదేరగా, తర్వాత రోజు రష్మిక వెళ్లింది. కానీ ఇద్దరూ తీసిన ఫొటోల్లో ఉన్న బ్యాక్‌గ్రౌండ్ ఒకేలా ఉండటంతో… వారి మద్ధతుదారులు, అభిమానులు మరోసారి వీరిద్దరి మధ్య రిలేషన్ ఉందన్న అంచనాలకు బలమిచ్చారు. విజయ్ తాజాగా షేర్ చేసిన సముద్రతీరంలో గుర్రపు స్వారీ ఫొటోలు మరింత ఊహాగానాలకు దారితీశాయి.
ఇదిలా ఉండగా, ఈ జంట ఇప్పటి వరకు తమ ప్రేమను అధికారికంగా ప్రకటించలేదు. కానీ వారి ప్రవర్తన, సెలవుల spent చేసే విధానం చూసి వీరిద్దరూ కలిసే గడిపారనే అభిప్రాయం నెటిజన్లలో బలంగా ఉంది. మొదటిసారి వీరి డేటింగ్ పుకార్లు 2023లో వెలుగులోకి వచ్చాయి. అప్పటి నుంచి వారిద్దరూ ముంబయిలో ఒకే అపార్ట్‌మెంట్‌లో నివసిస్తున్నారన్న వార్తలూ తెరపైకి వచ్చాయి.
రష్మిక గతంలో ఇచ్చిన ఓ ఇంటర్వ్యూలో విజయ్ దేవరకొండపై తన అభిమానాన్ని బహిర్గతం చేశారు. ఆయన తన జీవితంలో చాలా కీలక వ్యక్తి అని, ఏ చిన్న విషయమైనా ఆయన సలహా తీసుకుంటానని చెప్పారు. ఇదిలా ఉండగా, విజయ్ ప్రస్తుతం ‘కింగ్‌డమ్’ అనే పాన్ ఇండియా ప్రాజెక్ట్‌తో బిజీగా ఉండగా, రష్మిక ‘ది గర్ల్ ఫ్రెండ్’ అనే చిత్రం చేస్తోంది. సినిమా సంగతి పక్కనపెడితే… ఈ జంట నిజంగా ప్రేమలో ఉందా? లేదా? అన్నది మాత్రం మిస్టరీగానే ఉంది.
