దీపావళి అంటే దీపాల పండుగ. అంధకారాన్ని పారద్రోలే వెలుగులతో, కుటుంబంతో ఆనందభరితంగా గడిపే ఈ పండుగను ప్రతి ఒక్కరు జ్ఞాపకాలుగా నిలుపుకోవాలనుకుంటారు. ఈ ఏడాది విడుదలైన ఐఫోన్ 17 సిరీస్ ఫోన్లతో దీపావళి ఫోటోగ్రఫీకి మరో స్థాయి అందం చేకూరింది. అత్యాధునిక కెమెరా ఫీచర్లతో కూడిన ఈ ఫోన్లను ఉపయోగించి పండుగ క్షణాలను అత్యంత నాణ్యతతో బంధించేందుకు ప్రముఖ భారతీయ ఫొటోగ్రఫీ నిపుణులు ఇచ్చిన కొన్ని ముఖ్యమైన సూచనలు మీ కోసం.
1. నైట్ మోడ్ & HEIF MAX సెట్టింగ్ తో దీపాల అందాలు:
ప్రముఖ ఫొటోగ్రాఫర్ బాబీ రాయ్ సూచనల ప్రకారం, దీపావళి సమయంలో ‘నైట్ మోడ్’ను వినియోగించడం ద్వారా తక్కువ వెలుగులోనూ స్పష్టమైన ఫోటోలు తీయవచ్చు. ప్రత్యేకంగా ఐఫోన్ 17 సిరీస్లో ఉన్న 48MP HEIF MAX సెట్టింగ్ను ఉపయోగించి, దీపాల ప్రకాశాన్ని, అలంకరణల సూక్ష్మతను మెరుగ్గా బంధించవచ్చు.
2. ఫ్లాష్ ఆఫ్ చేయడం & ఎక్స్పోజర్ తగ్గించడం:
దీపాల వెలుగులో తీయబడే ఫోటోలు ఎక్కువగా ప్రకాశవంతంగా మారే ప్రమాదం ఉంటుంది. దీనిని తగ్గించేందుకు ఫ్లాష్ను ఆఫ్ చేసి, ఫోటో తీసే ముందు స్క్రీన్పై ట్యాప్ చేసి ఎక్స్పోజర్ను కాస్త తగ్గించాలి. ఇలా చేయడం వల్ల అసలు అందం బయటపడుతుంది.
3. పోర్ట్రెయిట్, సినిమాటిక్ మోడ్ల వినియోగం:
పూజల సమయంలో వ్యక్తుల ముఖ భావాలను, కుటుంబ సభ్యుల మధ్య ఆనంద క్షణాలను బంధించాలంటే ‘పోర్ట్రెయిట్ మోడ్’ను వాడాలి. దీపాల వెలుగులో కదులుతున్న దృశ్యాలను సినిమాటిక్ మోడ్లో వీడియో తీయడం ద్వారా సినిమా లాంటి ఫీలింగ్ వస్తుంది.
4. సహజ పోర్ట్రెయిట్స్ కోసం జూమ్ టెక్నిక్:
ఫొటోగ్రాఫర్ పోరస్ విమాదలాల్ ప్రకారం, 2x లేదా 4x జూమ్ వాడితే ముఖాన్ని సహజంగా చూపించవచ్చు. ఫోకస్ సరిగ్గా సెట్ చేసి, ఎక్స్పోజర్ను తగ్గిస్తే ఇంకో స్థాయి నాణ్యత వస్తుంది. అలాగే వెలుగు దిశకు 45 డిగ్రీల కోణంలో సబ్జెక్ట్ను నిలబెట్టడం వల్ల చిత్రం లోతుగా, నెమలిపించగా కనిపిస్తుంది.
5. స్టేబిలిటీ చాలా ముఖ్యం:
రాత్రిపూట స్పష్టమైన ఫోటోలు తీయాలంటే ఫోన్ను స్థిరంగా ఉంచాలి. చేతులతో కదలకుండా పట్టుకోవడంలో ఇబ్బంది ఉంటే చిన్న ట్రైపాడ్ ఉపయోగించడం ఉత్తమం. ఇది ధృడమైన ఫ్రేములను అందించడంలో ఉపయోగపడుతుంది.
6. టెక్నాలజీతో అందంగా:
ఐఫోన్ 17 ప్రో, ప్రో మ్యాక్స్ మోడళ్లలో ఉన్న టెట్రాప్రిజమ్ డిజైన్తో కూడిన టెలిఫోటో లెన్స్, 8x ఆప్టికల్ జూమ్ వంటి ఫీచర్లు దీపావళి వంటి సందర్భాల్లో మరింత ప్రొఫెషనల్ ఫోటోలు తీయడానికి అనుకూలంగా ఉంటాయి.
ఈ దీపావళి, కెమెరా నిపుణుల చిట్కాలతో మీ ఫోటోలు మాత్రమే కాకుండా, జ్ఞాపకాలు కూడా వెలుగుతెచ్చేలా ఉండబోతున్నాయి. మీ ఐఫోన్ 17 సిరీస్ను వినియోగించండి, ప్రతి క్షణాన్ని శాశ్వతంగా బంధించండి!