కెనడాలోని బ్రిటిష్ కొలంబియా ప్రావిన్స్‌లోని సర్రే నగరంలోని ప్రఖ్యాత శ్రీ లక్ష్మీ నారాయణ ఆలయాన్ని ఖలిస్థానీ ఉగ్రవాదులు లక్ష్యంగా చేసుకుని దాడి చేశారు. శనివారం తెల్లవారుజామున సుమారు 3 గంటల సమయంలో, ఇద్దరు గుర్తుతెలియని వ్యక్తులు ఆలయ ప్రాంగణంలోకి ప్రవేశించి ఖలిస్థానీ నినాదాలు చేస్తూ, ఆలయ ప్రవేశ ద్వారం మరియు స్తంభాలను ధ్వంసం చేశారు. వారిని అడ్డుకోవడం కష్టపడినప్పటికీ, వారు అక్కడ అమర్చిన సీసీటీవీ కెమెరాలను కూడా అపహరించారు.
ఆలయ అధికారులు వెల్లడించిన వివరాల ప్రకారం, ఈ దాడిలో ఆలయ గోడలపై ఖలిస్థానీ ఉద్యమానికి మద్దతుగా రాతలు రాశారు. భక్తుల మనోభావాలను గాయపరిచే విధంగా జరిగిన ఈ చర్యలు, హిందూ సమాజంలో తీవ్ర ఆందోళనకు కారణమయ్యాయి. ఆలయ కమిటీ ఈ దాడిని తీవ్రంగా ఖండిస్తూ, సమాజంలో విద్వేషాలు రెచ్చగొట్టే విధంగా ఈ చర్యలు జరిగాయని చెప్పారు.
ఈ దాడి, కెనడాలో ఖలిస్థానీ ఉగ్రవాదం పెరుగుతున్న ప్రభావాన్ని స్పష్టంగా చూపిస్తుంది. భారత సంతతికి చెందిన కెనడా ఎంపీ చంద్ర ఆర్య, ఈ ఘటనను ఖలిస్థానీ ఉగ్రవాదం పెరుగుతున్న అప్రతిష్ట చర్యగా అభివర్ణించారు. గత కొన్ని సంవత్సరాలుగా కెనడాలో హిందూ దేవాలయాలపై దాడులు జరుగుతున్నాయని ఆయన గుర్తుచేశారు. ఈ ఘటన ఖలిస్థానీ శక్తుల బలవంతపు ప్రభావం పెరుగుతున్నాన్నిఅన్నట్లు చెప్పారు.
స్థానిక పోలీసులు కేసు నమోదు చేసి దర్యాప్తు ప్రారంభించారు. వారు, ఈ దాడి వెనుక భారత వ్యతిరేక శక్తుల ప్రమేయం ఉందా అన్న కోణంలో విచారణ జరుపుతున్నట్లు తెలిపారు. భవిష్యత్తులో ఇటువంటి సంఘటనలు తిరిగి చోటు చేసుకోకుండా, ఆలయ పరిసరాల్లో భద్రతను మరింత కట్టుదిట్టం చేయాలని పోలీసులు నిర్ణయించారు.
