‘డీజే టిల్లు’, ‘టిల్లు స్క్వేర్‌’ చిత్రాలతో యూత్‌లో క్రేజ్ తెచ్చుకున్న సిద్ధు జొన్నలగడ్డ తాజా చిత్రం ‘జాక్‌’. ‘బొమ్మరిల్లు’ భాస్కర్ దర్శకత్వంలో తెరకెక్కిన ఈ సినిమాలో వైష్ణవి చైతన్య హీరోయిన్‌గా నటించింది. ట్రైలర్‌కి వచ్చిన స్పందన బాగుండగా, సినిమా మాత్రం ప్రేక్షకుల ఆశల్ని నెరవేర్చలేకపోయింది. ఒక స్పై థ్రిల్లర్‌గా ఈ చిత్రం తెరకెక్కించినప్పటికీ, కొత్తదనం లేకపోవడం ప్రధానమైన లోపంగా నిలిచింది.
కథ ప్రకారం ‘జాక్‌’కు ‘రా’లో స్పైగా చేరాలన్న ఆసక్తి ఉంటుంది. కానీ ఉద్యోగం వచ్చేలోగా దేశాన్ని రక్షించాలన్న లక్ష్యంతో ఉగ్రవాదులపై పోరాటం మొదలుపెడతాడు. ఈ క్రమంలో అతను ‘రా’ ఏజెంట్ మనోజ్‌ను కూడా అదుపులోకి తీసుకుంటాడు. జాక్‌ అసలు ఏం చేస్తున్నాడో తెలుసుకోవడానికి అతని తండ్రి ఓ డిటెక్టివ్‌ను నియమిస్తాడు. ఆ డిటెక్టివ్ కూతురు జాక్‌పై నిగాహా పెడుతుంది. అలా ప్రేమ చిగురించగా, అనుకోని పరిస్థితుల్లో జాక్‌ చిక్కుల్లో పడతాడు. చివరికి స్పైగా జాబ్‌ వచ్చిందా లేదా అనేది క్లైమాక్స్‌.
అయితే ఈ కథ వినిపించగానే ఇది కొత్తదేమీ కాదని స్పష్టమవుతుంది. గతంలో ఎన్నో సార్లు చూసిన స్పై నేపథ్యం, ఉగ్రవాద తంతాలు తిరిగి తెరపై చూడడం ప్రేక్షకులను ఆకట్టుకోలేదు. దర్శకుడు భాస్కర్ ఈ కథను ఫ్రెష్‌గా చెప్పలేకపోయాడు. సిద్ధు పాత్రను బలంగా డిజైన్ చేయకపోవడం వల్ల అతని ఎనర్జీ వృధాగా మారింది. ఫస్ట్‌హాఫ్ నుంచి సెకండాఫ్ వరకు మొత్తం కథ అతి సాదా స్థాయిలో సాగింది.
పనితీరు పరంగా చూస్తే సిద్ధు తన స్థాయిలో బాగా నటించినప్పటికీ కథలో బలం లేకపోవడం అతనికి మైనస్ అయింది. వైష్ణవి పాత్రలో పెద్దగా స్కోప్ లేదు. కెమెరా వర్క్‌, బ్యాక్‌గ్రౌండ్ స్కోర్ సినిమాకు కొంత హెల్ప్ అయినా, అసలు కథలో మెజిక్ లేకపోవడంతో సినిమా మొత్తం నిరాశే మిగిలింది. ఇకనైనా సిద్ధు తన స్ట్రాంగ్ జోనర్ అయిన ఎంటర్‌టైన్‌మెంట్ వైపు తిరిగి చూడాలి. లేదంటే ఈ సినిమా అతని క్రేజ్‌కు నెగటివ్‌గా మారే అవకాశముంది.
